首頁 日報娛樂

直擊韓馬利鬧爆林夏薇生仔冇屎忽 周嘉洛險被沙包掟到婉拒對方道歉

22/11/2022
■介紹劇中角色,男女主角周嘉洛、林夏薇及小販韓馬利。
■介紹劇中角色,男女主角周嘉洛、林夏薇及小販韓馬利。


TVB日前舉行下年節目巡禮,晒冷式節目介紹梗有一套啱你心水,當中最厲害係27歲力捧小生周嘉洛,一人孭三套劇,計比例多過好多視帝。雖然極速上位中,但周小生無話招招積積,依舊同工作人員打成一片。日前,周小生同林夏薇喺西貢為新劇《寵愛Pet Pet》拍外景,見佢玩鬼工作人員,唔使埋位就坐石壆髀擘擘,好似隔籬屋啲哥哥咁,咁鬼親民,抵佢有運行嘅。採訪:金泰亨

周嘉洛下年被TVB委以重任,孭飛劇集計有《寵愛Pet Pet》、《羅密歐與祝英台》及《痞子殿下2》,因為形象健康又入屋,有指佢係馬國明接班人,咁佢精靈過馬明嘅,希望佢唔會好似馬生咁,要等咁多年先拎視帝啦。
韓馬利鬧到成條街都聽到

講返探班,當日星期日,陽光普照仲幾熱O添,周嘉洛、林夏薇、韓馬利及楊證樺在舊墟附近拍外景,劇情講述小販韓馬利疑似呃錢,周嘉洛同林夏薇同佢理論,但換來喝罵,「你兩個蝦一個,生仔冇屎忽㗎!」男方疑似想息事寧人被林夏薇叫停,稱唔可以助長騙徒,韓馬利即刻爆seed,「你夠膽講多次?」記者都嚇一嚇,然後楊證樺現身做正義嘅事,指證對方呃人又阻街,仲話報警O添。


因為演員表現好,兩take收貨,然後再等拍另一場口。等候期間,周嘉洛同林夏薇都幾好傾,又互相推吓,仲幫手執好地攤啲公仔。有工作人員掉沙包落地,因為掉正周嘉洛身邊所以講咗聲sorry,換嚟周嘉洛講笑式無情應對,「傻啦,你乜都冇做到已經講sorry喇,我嬲你㗎。」之後仲好隨意咁坐喺石壆等埋位,性格相當OK喎。■周嘉洛在《痞子殿下》首任主角,《痞子殿下2》成為下年重頭劇。

■周嘉洛在《痞子殿下》首任主角,《痞子殿下2》成為下年重頭劇。
■周嘉洛在劇中飾演寵物傳心師汪聲仁,林夏薇飾演獸醫。
■周嘉洛在劇中飾演寵物傳心師汪聲仁,林夏薇飾演獸醫。
■周嘉洛見攰坐上石壆唞唞。
■周嘉洛見攰坐上石壆唞唞。
■工作人員同嘉洛say sorry,後者回答對方「傻啦」。
■工作人員同嘉洛say sorry,後者回答對方「傻啦」。
■等埋位時,周嘉洛幫手放好啲公仔,林夏薇就好熱,企多陣已行埋一邊。
■等埋位時,周嘉洛幫手放好啲公仔,林夏薇就好熱,企多陣已行埋一邊。
■楊證樺現身加入指證小販呃人。
■楊證樺現身加入指證小販呃人。

其他文章
hd