首頁 日報娛樂

拍《超能使者》搞到情緒崩潰嚇親老婆 陳展鵬罕談家事同單文柔多拗撬

24/11/2022
私密牀照
■老婆Phoebe及愛女小豬比黐實展鵬,難怪他一臉滿足。
私密牀照 ■老婆Phoebe及愛女小豬比黐實展鵬,難怪他一臉滿足。

陳展鵬於TVB台慶劇《超能使者》中段有突破性演出,原來展鵬的幸福家庭只是假象,因為「老婆」劉佩玥唔滿足生活現狀出軌,導致家破人亡。戲外的展鵬擁有美滿婚姻,還向《頭條日報》大晒同今世及前世情人的「私密牀照」!不過,幸福家庭背後,一向唔多提私事的他自揭暗藏婚姻危機:「始終相見好同住難,單文柔(Phoebe)又細我10年,我哋有好多分歧。」採訪:方騫平 攝影:鄧國良

上周《超能》劇情,陳展鵬被揭患有妄想症,於幻覺同真實記憶之間游走難度好高,因為要瞬間轉換表情,展鵬獲讚展現「視帝級」演技,被網民封為「視帝鵬」。
  自6年前憑《城寨英雄》首奪視帝後,展鵬今年再有機會問鼎視帝,他坦言恨再攞獎:「希望小朋友(小豬比)見到爸爸去工作有好成績,如果攞到獎畀媽咪睇就好喇。」不過,他認為近10年,黃宗澤及袁偉豪拍咗好多好戲,兩人都有機會。
半夜三更坐客廳發呆

今次陳展鵬盡全力拍《超》劇,自爆情緒一度崩潰,令老婆擔憂:「拍戲咁耐(26年)未試過連稿都唔對就離開錄影廠,喺廠外唞咗個幾鐘先回歸,有啲逃學feel,因為當時真係好辛苦,好似有密室恐懼症咁,嗰種恐慌性去到邊緣狀態,精神情緒好得人驚。作為男人好難接受仆心仆命為照顧家人,將自己放到最低,無奈現實社會就係壓迫咁大,有邊個年輕人做到自己想做嘅嘢呀?呢個劇以喜劇手法包裝,實際係反映社會現狀,基層人士最想有超能力。」

因為拍劇壓力大,展鵬難免會將情緒帶返屋企:「返到屋企我仲想靜吓,唔畀人掂得,Phoebe知道我要沉澱,但未必能理解,明明早上好開心咁出門開工,但夜晚變到面青口唇白,半夜三更開盞暗燈獨坐客廳,哈!佢驚我睇唔開啩!」

努力學做老公要包容
  結婚4年多,陳展鵬自揭同老婆經常有拗撬,他仍努力學習做人夫:「梗係會有嗌霎㗎啦,點會冇呀?始終老人家話『相見好同住難』,主要係性格唔夾,尤其Phoebe獲家人萬千寵愛在一身,而我10幾歲就出嚟做嘢,兩人年紀又相差10年,兩個世界嘅人會有好多分歧。o依家佢去到一個新家庭,要放低身段配合小朋友、有夫家,要安排好多嘢,生活上要配合埋我工作。」而每次爭拗,展鵬坦言都係婚姻危機,他好認真解說:「就算係意見不合、黑面都係婚姻危機,你試吓每日都有普通嗌霎會點呀?其實好大件事,加加埋埋會影響到大家情緒,其實唔好講係夫妻,人與人之間情緒唔好,一秒間可以殺人,但維繫感情可能要一年,甚至更長時間。」

陳展鵬講到夫妻相處之道,首要著手了解對方性格,要包容和忍讓:「有時都會強迫自己深呼吸,畀佢鬧兩句,買杯咖啡搞掂,因為都知道係錫你嘅人,唔通老闆畀面色你睇,你會鬧佢咩!只要明白到個根喺邊度,就會夠力量去得更遠,但我唔鍾意啲嘢成日重複發生,重蹈覆轍即係未解決,累積落嚟就會出現好多問題,夫妻間有問題,個女變成維繫動力最唔好。」至於婚姻之道,展鵬表示最簡單就係幸福,最幸福係因為滿足。稱職媽咪■Phoebe放棄千金小姐身份,做個稱職媽咪。

稱職媽咪■Phoebe放棄千金小姐身份,做個稱職媽咪。
四劇爭獎■陳展鵬同時間有4套劇角逐視帝,好厲害。
四劇爭獎■陳展鵬同時間有4套劇角逐視帝,好厲害。
三代同堂■陳媽媽湊孫為樂,展鵬希望加碼,今年送個視帝畀媽媽。
三代同堂■陳媽媽湊孫為樂,展鵬希望加碼,今年送個視帝畀媽媽。
有影皆雙■展鵬好重視家庭生活,返內地拍戲都帶埋老婆喺身邊。
有影皆雙■展鵬好重視家庭生活,返內地拍戲都帶埋老婆喺身邊。
齊齊獲獎■6年前陳展鵬及胡定欣獲視帝、視后。
齊齊獲獎■6年前陳展鵬及胡定欣獲視帝、視后。
眼都紅埋■拍呢場失常戲,展鵬要游走喺幻覺同真實記憶之間,好有難度。
眼都紅埋■拍呢場失常戲,展鵬要游走喺幻覺同真實記憶之間,好有難度。
感情衝擊■戲裏展鵬仆心仆命照顧老婆,但劉佩玥唔滿足生活現狀出軌。
感情衝擊■戲裏展鵬仆心仆命照顧老婆,但劉佩玥唔滿足生活現狀出軌。
慘絕人寰■劇中自我放棄嘅展鵬,仲要被拳打腳踢兼迫食「狗飯」,慘絕人寰。
慘絕人寰■劇中自我放棄嘅展鵬,仲要被拳打腳踢兼迫食「狗飯」,慘絕人寰。
下身激凸■《超》劇仲有吊「威吔」場口,陳展鵬下身激凸。
下身激凸■《超》劇仲有吊「威吔」場口,陳展鵬下身激凸。
表現出色■陳展鵬眼中黃宗澤及袁偉豪,於《法證先鋒V》中表現出色,都有條件封帝。
表現出色■陳展鵬眼中黃宗澤及袁偉豪,於《法證先鋒V》中表現出色,都有條件封帝。
感情衝擊■「阿年」陳展鵬及「車志明」林敏驄都係今年視帝大熱。
感情衝擊■「阿年」陳展鵬及「車志明」林敏驄都係今年視帝大熱。

其他文章
hd