首頁 日報娛樂

有信心跟Bob奪拍檔獎 劉佩玥尷尬提周志文結婚先公開

25/11/2022
■Moon解釋多年來未肯公開戀情,因怕父母擔心。
■Moon解釋多年來未肯公開戀情,因怕父母擔心。

劉佩玥(Moon)繼《美麗戰場》演巴辣「李靜兒」後,在《超能使者》演溫柔的陳展鵬亡妻「丁淑敏」,Moon開心觀眾都好接受。而提到跟林盛斌(Bob)奪拍檔獎呼聲高,她亦有信心,更開心將組情侶檔搵真銀。至於真情侶周志文,Moon就不願多談。另提到個人獎項,Moon睇得好通透,坦言控制唔到的事就無謂諗。 採訪:杜杜 攝影:譚志光
髮型及化妝:angelaShum 服裝:Harvey Nichols

兩個差別甚大的角色「李靜兒」和「丁淑敏」均得到觀眾喜愛,Moon表示:「做演員見到觀眾有呢個反應好開心,其實兩個角色都好有難度,『李靜兒』講嘢好快又大聲,好有energy,我平時唔係咁講嘢,而『丁淑敏』係溫柔嘅角色,有返賢妻感覺要放輕把聲,好溫柔,所有嘢都focus喺展鵬身上。」
跟林盛斌情侶檔搵真銀

提到早前因腸胃炎入院,大家最關心緋聞男友周志文有冇好好照顧她?她就不願多講,強調等結婚先透露另一半身份,她解釋因不想父母擔心,「成日講唔同嘅人,佢哋都會覺得你想點樣,我都唔想畀到觀眾咁嘅感覺。」而認真交往對象一定會畀家長知,「講過畀佢哋聽有三個男友,我阿媽好搞笑,佢會擺感情落去我個伴侶身上,會有期望同感受,我同佢講分咗手,佢都會唔開心。」Moon又稱入行後有人追都會同父母講,「希望有一日令到佢哋可以更加安心,可以交個女去畀嗰個男士,嗰日應該係會結婚。」

講到《美》劇中跟Bob大受歡迎,獲睇好奪拍檔獎,Moon都覺得機會很大,「好感恩大家鍾意我哋呢一對,都話『好鍾意你同徐富貴呀』,真係好多謝觀眾,攞獎都有信心。」她更開心透露將跟Bob情侶檔搵真銀,「係一個bonus嚟,當然好開心,搵到個好拍檔真係好感恩。」至於奪個人獎,Moon認為控制不到的事不會想太多,「我唔係講到好清高唔care,因為控制唔到所以唔去諗,攞獎嘅嘢最好係人哋戥你唔抵,而唔係覺得你唔值。」
■Moon讚Bob是好拍檔,也是她人生導師教了她很多東西。

■Moon讚Bob是好拍檔,也是她人生導師教了她很多東西。
■Moon跟陳展鵬在《超》劇中,本是對恩愛小夫妻。
■Moon跟陳展鵬在《超》劇中,本是對恩愛小夫妻。
■《超》劇中,Moon跟郭子豪偷情被陳展鵬發現。
■《超》劇中,Moon跟郭子豪偷情被陳展鵬發現。
■在《美麗戰場》的演出獲讚,但Moon對獎項沒太大期望。
■在《美麗戰場》的演出獲讚,但Moon對獎項沒太大期望。
■Moon笑指觀眾留意她在《超》劇時瘦很多,激勵她要更努力減肥。
■Moon笑指觀眾留意她在《超》劇時瘦很多,激勵她要更努力減肥。
■Moon跟周志文緋聞傳足幾年,但兩人一直未肯認愛。
■Moon跟周志文緋聞傳足幾年,但兩人一直未肯認愛。
■Moon早前跟圈外朋友聚會,因食生冷嘢引發腸胃炎搞到半夜入院。
■Moon早前跟圈外朋友聚會,因食生冷嘢引發腸胃炎搞到半夜入院。

其他文章
hd