首頁 日報娛樂

自爆學習自肥精神 鄭伊健睇ERROR節目減壓

25/11/2022
■鄭伊健在台上為即將開騷的ERROR打氣。
■鄭伊健在台上為即將開騷的ERROR打氣。

鄭伊健現正在紅館舉行演唱會,昨午抽空現身支持「香港血癌基金」,提到在紅館舞台唱歌冧蒙嘉慧,他竟笑言「唔記得啦!」又坦言開騷要自肥,前晚他演出時講明要學ERROR的自肥精神,更多謝四子的節目為他減壓,即場向台下捧場、快將開騷的ERROR三子193、肥仔、阿Dee打氣。

鄭伊健在一連九場演唱會期間抽空出席慈善活動,他表示只是出少少力,加上活動場地鄰近紅館。演出了幾場紅館騷,昨日他坦言疲累:「冇諗過攰,好開心反應非常好,要儲備能源完成最後幾場。(太太特地由日本來港支持。)應該啦,這幾年演唱會她都在身邊打點一切,我只做騷,其他事唔識安排。(演唱會上唱歌冧太太。)唔記得咗啦。演唱會『自肥』,安哥做自己想做嘅事。(你是否浪漫的人?)不知浪漫的定義,我哋相處咁多年,唔可以用一件事來形容,總之我哋好開心。」完成演唱會後,伊健笑言要打機、飲啤酒和去郊外燒烤。

前晚伊健舉行第五場個唱,台下捧場嘉賓人氣爆燈,包括好友蔡一智、周秀娜、劉沛蘅等,還有ERROR成員阿Dee、193及肥仔,掀起台下一陣騷動。

伊健在安歌後感謝觀眾熱情反應,並點名多謝ERROR,「我上一次演唱會,返去減壓就係睇你哋嘅《ERROR遊》。我知道今次得兩集,所以我未睇住,多謝你哋畀我哋歡樂。仲有,我知你哋開演唱會,我知㗎,加油啦!」三子起立向伊健鞠躬。伊健還笑言學習ERROR的「自肥精神」,挑選心水的滄海遺珠表演,娛人娛己。ERROR下月開演唱會,門票昨晨10時公開發售,中午已火速售罄。■193、Dee及肥仔在台下似小粉絲為伊健打氣。

■193、Dee及肥仔在台下似小粉絲為伊健打氣。
■193在網上分享與鄭伊健的合照。
■193在網上分享與鄭伊健的合照。

其他文章
hd