首頁 日報娛樂

拍完處女劇《繩角》做埋鏡粉 林愷鈴一提AK 怕醜唔敢要求加咀戲

28/11/2022
■林愷鈴強調係自願入行,阿媽龔慈恩冇迫過她做藝人。
■林愷鈴強調係自願入行,阿媽龔慈恩冇迫過她做藝人。

80年代當紅花旦龔慈恩女兒林愷鈴(Ashley)被封為「最美星二代」,ViuTV熱播劇《繩角》是她的處女劇,當中Ashley跟MIRROR成員江𤒹生(AK)有感情線。一講到AK,Ashley就笑唔停,更力撐對方「真性情」冇問題,「有追求嘅人好過冇所謂嘅人,會推動自己做得更好。」她更坦言已做埋鏡粉。採訪:方騫平
攝影:朱偉彥 髮型:Lobo Chung(artifylab)
髮型:Zoey Chin(Zoey Chin Beauty)
服裝:dodo bar,netaporter

22歲的林愷鈴對處女劇作有壓力,因為拍攝期間正值考畢業試,好彩劇組肯配合,而媽咪知她太攰,都會接放學,最後順利於港大建築系畢業。目前她和媽咪一齊追劇好感動:「我覺得劇中造型好似媽咪年輕版,哈!都OK靚嘅。」至於龔慈恩對囡囡演技冇乜評語,只提點可以自然放鬆啲,始終演員於每個階段,會演繹唔同感覺,做返自己就OK。Ashley又強調,媽咪從來冇叫她入行做演員,一切由她決定。
唔會愛上AK

劇中與AK的感情戲,Ashley形容係好sweet及好單純,跟她簡單的愛情觀好相似,兩人都比較容易入戲。Ashley對AK更讚不絕口:「作為演員佢攞足100分,既有趣又照顧身邊人,同佢合作好開心,個人又正氣,邊個會唔鍾意AK呀?」但她強調戲內合作有火花,戲外唔會愛上他,亦唔敢要求加咀戲,只會做埋鏡粉,覺得佢哋喺台上表現好正。對於AK被指黑面有「性格」,Ashley堅持有「性格」嘅人會推動自己有進步,她幫口說:「見佢做演員、歌手進步得咁快就知啦。」兩人仲會合唱劇集片尾曲,首歌由AK創作,Ashley再狂讚對方好有才華。■AK喺《繩角》中晒肌,結實胸肌加紋身好吸引。

■AK喺《繩角》中晒肌,結實胸肌加紋身好吸引。
■林愷鈴和AK喺《繩角》中發展純純的愛,所以咀戲欠奉。
■林愷鈴和AK喺《繩角》中發展純純的愛,所以咀戲欠奉。
■林愷鈴自問演戲功力有限,未敢同媽媽合作拍劇。
■林愷鈴自問演戲功力有限,未敢同媽媽合作拍劇。
■林愷鈴從拍攝中感受到AK、Lokman及Alton的兄弟情。
■林愷鈴從拍攝中感受到AK、Lokman及Alton的兄弟情。
■林愷鈴和媽咪一齊追劇,覺得好感動。
■林愷鈴和媽咪一齊追劇,覺得好感動。
■林愷鈴提到AK就怕醜狂笑,又話唔敢要求加咀戲「自肥」。
■林愷鈴提到AK就怕醜狂笑,又話唔敢要求加咀戲「自肥」。

其他文章
hd