首頁 日報娛樂

提議囝囝熟讀媽媽著作湊仔唔會慌 陳美齡唔使乖孫入史丹福快樂更重要

02/12/2022
■陳美齡一提到榮升嫲嫲就忍唔住微笑。
■陳美齡一提到榮升嫲嫲就忍唔住微笑。


67歲的陳美齡(Agnes)三喜臨門,除推出國語新歌《透明的花瓣》外,更舉行《美麗人生半世紀》演唱會線上重溫及分享會,打破地域界限跟全球忠粉見面。至於第三件大事,就是將三代同堂,她難掩興奮:「我可以減產,隨傳隨到去美國湊孫,仲會提供育兒貼士!」採訪:方騫平 攝影:朱偉彥

陳美齡大仔金子和平跟莊文若(Lucia)結婚4年,最近傳嚟成功造人好消息,即將榮升嫲嫲的Agnes笑到見牙唔見眼,「真係諗起都開心,好想睇吓個樣似邊個,我諗我會飛過去美國陪新抱坐月,幫手煲薑醋,有咗個孫之後會放低非必要工作,隨傳隨到去美國,只要需要到我就一定到。」
堅持愛在起跑線

Agnes曾經出過多本著作,包括《50個教育法,我把三個兒子送入了史丹福》、《家長不要做的35件事》、《40個教育提案:把快樂帶回給香港學生》等育兒書籍,她乘機叮囑兒子做她書迷,好好熟讀她的著作:「有晒planning,學懂知識,如了解點解BB會成日喊、不停要飲奶……即使作為新手爸媽都唔會慌亂,反而識得去enjoy湊仔過程。」

Agnes一屋叻人,3個兒子都畢業於名牌大學史丹福,問她會否要求個孫,將來都要成為史丹福學生?她輕鬆說:「任佢啦!我冇乜所謂,當然呢間係好嘅大學,入到梗係開心,不過,做個快樂、堅強、善良嘅人更重要,唔使一定好成功,唔使同人比較,最緊要係接受自己長處同短處,認同自己係個好有價值嘅人,咁樣就唔會自卑及自大。」Agnes堅持要愛在起跑線。■陳美齡出過多本育兒著作。

■陳美齡出過多本育兒著作。
■之前陳美齡飛往美國探望兒媳,一家人遊環球影城。
■之前陳美齡飛往美國探望兒媳,一家人遊環球影城。
■陳美齡的三個兒子都畢業於名牌大學史丹福。
■陳美齡的三個兒子都畢業於名牌大學史丹福。
■陳美齡嘅大仔金子和平(左一)與新抱莊文若(右),終於造人成功。
■陳美齡嘅大仔金子和平(左一)與新抱莊文若(右),終於造人成功。
■作為朋友嘅陳美齡,對日本前首相安倍晉三遇襲身亡好唔開心。
■作為朋友嘅陳美齡,對日本前首相安倍晉三遇襲身亡好唔開心。
■陳美齡首次試驗式舉行《美麗人生半世紀》演唱會線上重溫及分享會。
■陳美齡首次試驗式舉行《美麗人生半世紀》演唱會線上重溫及分享會。
■Agnes推出親自創作嘅國語新歌《透明的花瓣》。
■Agnes推出親自創作嘅國語新歌《透明的花瓣》。

其他文章
hd