首頁 日報娛樂

《就是青春》大熱門唔介意被稱參賽KOL 林躍翰壓力大常發台瘟冇信心奪獎

02/12/2022
■John不介意被封「專職參賽者」,不想將來後悔,有機會就要試。
■John不介意被封「專職參賽者」,不想將來後悔,有機會就要試。

22歲林躍翰(John)繼參加ViuTV《全民造星》及《全民造星III》後,最近再入圍HOY TV的《就是青春》,對於被外界封為「專職參賽者」,John就解釋跟前公司約滿後,一直未搵到新公司,覺得今次是機會就一試。對於被視為大熱,John未有太大信心奪獎,只想繼續朝組男團夢想進發,更希望有機會推出個人作品。
採訪:杜杜 攝影:譚志光

連番參加選秀節目,John被外界封為「專職參賽者」,他就解釋再參賽因《造星III》後不久便跟前公司滿約,再遇上疫情一直冇演出機會,向其他公司叩門亦苦無消息,「有靠朋友去睇吓有冇機會去casting,但我喺《造星》算係隱形人,唔係好多嘢講,好多高討論度嘅參賽者相對易casting到公司。」直到年初朋友提議他參加《就是青春》,思前想後最終決定一試,「同自己講試咗先算,係好好機會令自己學嘢或者成長。」
緊張到發台瘟忘詞

相對於一班素人參加者,John甫參賽即被封為大熱,他坦承會開心,但亦增加了一定壓力,「之前有啲觀眾會認識我,一定會對我expectation會高咗,我就希望自己做得更加好,唔想辜負佢哋嘅期望,但我又唔會真係覺得自己係大熱,我都希望用實力去成為大熱,但係經過呢幾round,自己都仲未係超級成熟嘅表演者,我之前都有唔少表演經歷,但係上到舞台都仲會好緊張,發台瘟到甚至唔記得歌詞,希望嚟緊會調整好啲心理質素。」

John參加兩次《造星》都講到明想組男團,現在這個目標依然不變,「男團同solo歌手係兩個唔同嘅感覺,畀我揀都係想做男團多啲,團體火花會有趣啲,同埋就算做咗團都可以出solo,但你solo嘅時候唔會突然搵幾個人一齊做團嘛!」看到以往戰友的發展,他坦言好羡慕,「見到朋友都有自己作品及舞台,更加渴望有自己嘅歌。」■John最希望能夠擁有自己的作品,成為真正的表演者。

■John最希望能夠擁有自己的作品,成為真正的表演者。
■John與《造星III》的泰倫斯(Terence 左二)、鍾諾言(NY 右二)及謝嘉浩(Mark 右一),曾簽公司打算以男團身份出道。
■John與《造星III》的泰倫斯(Terence 左二)、鍾諾言(NY 右二)及謝嘉浩(Mark 右一),曾簽公司打算以男團身份出道。
■參加《造星III》期間,John討論度最高要算跟胡鴻鈞撞樣,對方更找他合作拍cover片。
■參加《造星III》期間,John討論度最高要算跟胡鴻鈞撞樣,對方更找他合作拍cover片。
■John與洪韻騏(Wincy),被視為《就是青春》的大熱參賽者。
■John與洪韻騏(Wincy),被視為《就是青春》的大熱參賽者。
■John抱着自己是白紙的心態參賽,希望學習更多東西。
■John抱着自己是白紙的心態參賽,希望學習更多東西。
■因對自己要求高,John壓力大增,比賽期間不時發台瘟。
■因對自己要求高,John壓力大增,比賽期間不時發台瘟。

其他文章
hd