首頁 日報娛樂

盲撐好姊妹陳瀅爭視后 王敏奕得30歲 唔急生仔衝吓先

02/12/2022
■敏奕連續拍了3年劇集,開始適應這種製作模式。
■敏奕連續拍了3年劇集,開始適應這種製作模式。

王敏奕繼2018年《飛虎之潛行極戰》後,在《法證先鋒V》再跟黃宗澤(Bosco)演一對,不過今次人物設定是熱血警花情傾科學怪人。提到早前跟老公曾國祥到歐洲補度蜜月,叉足電回港的她未有造人大計,坦承自己得30歲,想在工作上再搏殺。
採訪:杜杜 攝影:羅安強 化妝:King Yip@KingsMakeUp

對於Bosco接受本報訪問時,得戚表示今次是女追男關係,敏奕即沒好氣話:「佢梗係開心啦!哈哈!第一次合作時,我都細個,好緊張去做個角色,佢幫我好多,好照顧我。到今次再合作,我話畀自己聽要威番次,點知我又要去演一個追男仔嘅人喎!咁就大鑊!又係下靶,我冇辦法威番次啦!」不過,她讚Bosco絕對是個好對手,照顧台前幕後,拍攝時又會加好多好點子。
度蜜月順便送細佬去讀書

早前曾國祥在英國跟美劇《權力遊戲》監製拍完科幻網劇《三體》後,趁空檔跟老婆到歐洲補度蜜月,她解釋此行尚有一個任務,「我順便送我細佬去讀中學,等佢早啲適應,我好唔捨得,佢就好開心,我以為佢會喊,反而係我喊。」提到早前曾國祥表示因太忙,未有時間「造人」,敏奕聽到即笑謂:「佢點答就點答啦,一切都係佢答為準。」不過她都認同現在工作剛上軌道,好想趁年輕努力衝刺,「自己仲有啲時間,想喺工作上繼續努力先,o依家都有好多好好嘅機會,齒輪行得好順時,突然停咗驚生疏,所以唔想停低。」

另外對於獎項,敏奕認為只是錦上添花,更認為TVB每個演員都非常努力,得獎都是實至名歸,而對於好姊妹陳瀅憑《美麗戰場》爭視后,她表示會盲撐到底,「咁friend梗係支持佢啦!如果有票我都會投畀佢,如果糖妹都有視后提名,我都一定投佢,不論佢演乜嘢,哈哈!」■敏奕對獎項放得開,反而撐好姊妹陳瀅奪視后。

■敏奕對獎項放得開,反而撐好姊妹陳瀅奪視后。
■敏奕跟老公曾國祥有共識,暫時以事業為主,未有計劃生BB。
■敏奕跟老公曾國祥有共識,暫時以事業為主,未有計劃生BB。
■敏奕早前跟曾國祥到歐洲補度蜜月,玩了一個月叉足電。
■敏奕早前跟曾國祥到歐洲補度蜜月,玩了一個月叉足電。
■敏奕認為所演的「霍寶英」好有靈氣,跟Bosco演的角色是兩個世界的人。
■敏奕認為所演的「霍寶英」好有靈氣,跟Bosco演的角色是兩個世界的人。
■近年演過不少紀律部隊角色的敏奕,未來希望有機會演郵差。
■近年演過不少紀律部隊角色的敏奕,未來希望有機會演郵差。
■第二度跟Bosco合作,敏奕可惜未能爭氣,繼續做下靶位。
■第二度跟Bosco合作,敏奕可惜未能爭氣,繼續做下靶位。

其他文章
hd