首頁 日報娛樂

暫忘痛失第二胎 一家三口樂園慶生 41歲莊韻澄想大仔有伴兩年內再生

03/12/2022
開心到爆
■1歲8個月大嘅波子首次遊主題公園,開心到爆。
開心到爆 ■1歲8個月大嘅波子首次遊主題公園,開心到爆。

莊韻澄(原名莊端兒)經歷過感情創傷,直至兩年前搵到愛錫她的經理人呂成忠(Joe)奉子閃婚,並以39歲高齡誕下兒子呂崇滈(波子),為怕囝囝大個孤伶伶冇至親依傍,即使年過40歲都決心追B,無奈第二胎患上罕有的巴陶氏症,要在20周前終止懷孕。痛失第二胎B女4個月,莊韻澄由有喜到被迫引產,身心承受極大痛苦,但作為廿四孝媽咪,深吸呼一口氣後,決定兩年內再圓做媽媽夢。
採訪:方騫平
攝影:羅安強 場地:迪士尼

早前莊韻澄41歲生日,兩公婆帶埋寶貝仔同遊主題公園,老公充當攝影師,拍低一家三口溫馨時刻,1歲8個月的波子不停放電,係咁笑,開心到爆。原來之前受疫情影響,波子好少出街,去玩更加唔使諗,今次是首次去主題公園,難怪表現咁狂野,莊韻澄更爆兒子最愛撩姐姐!
希望公開超聲波圖集氣

提到生日願望,莊韻澄希望再成功造人,不過,坦言心情處於矛盾之中,因為痛失第二胎的陰影未過,即使再有都會好擔心,但年紀愈大愈難懷孕,連醫生都建議她快啲追,希望呢兩年內成事,最想追個龍B。

重提今年5月痛失第二胎,莊韻澄形容係不能磨滅的人生最痛,仲自揭明知BB有機會有事,但6月時仍公開BB超聲波圖,因為唔想太負面,希望收到多啲祝福等BB可以順利出世,「懷孕3個月第一次驗血,報告已顯示係高風險,醫生提出放棄,當時我無法相信,堅持要等埋抽羊水化驗,最終仍然事與願違。」最慘仲要接受引產手術:「引產好似經歷咗一次完整生產過程,要塞藥催生,有宮縮、有陣痛,唯一唔會畀老公陪住,全程都喺病牀上進行,包括『開細』,所以陣痛時身心都承受住極大痛苦,藥物副作用令我發燒發冷,喺病牀上喊爆,痛不欲生,好彩BB好錫我,當塞到第二粒已經成功引產,只係半個鐘頭完成。」
引產前同「妹妹」傾天光

完成引產手術後,醫院安排兩公婆跟胎兒作最後道別,「當時胎兒已17周大,已成形,見佢鼻高高,下巴尖尖好似我,我同佢講『原諒我』!放心我哋會再聚!你去一個好啲嘅地方吧,唉!唔識講,其實做引產手術前一晚我都瞓唔着,成晚喺屋企行嚟行去同佢『傾』天光,真係好內疚,佢反而好乖,從冇令我身體不適。」經歷幾個月漫長煎熬,除有老公陪伴外,波子都係心靈治療良方。莊韻澄堅持會用自身經歷幫助同路人:「事情都過咗去,都要生活㗎,未來會試多一次自然懷孕,畀多一次機會自己。」濕水BB■波子跑住笑,係咁放電,玩到成身濕晒。

濕水BB■波子跑住笑,係咁放電,玩到成身濕晒。
親子時間■一家三口到主題樂園親子樂。
親子時間■一家三口到主題樂園親子樂。
偉大爸爸■波子爸充當攝影師,為母子留影。
偉大爸爸■波子爸充當攝影師,為母子留影。
好戲後頭■一家三口留到夜晚睇埋最吸引嘅煙花。
好戲後頭■一家三口留到夜晚睇埋最吸引嘅煙花。
人見人愛■波子眼大大好精靈,真係人見人愛。
人見人愛■波子眼大大好精靈,真係人見人愛。
紀念掌印■告別儀式後留下B女的天使腳印做紀念。
紀念掌印■告別儀式後留下B女的天使腳印做紀念。
人生色彩■波子出生令莊韻澄及老公人生添上色彩。
人生色彩■波子出生令莊韻澄及老公人生添上色彩。
網民勁讚■莊韻澄日前晒老公操刀嘅水着相,獲網民大讚索到流鼻血。
網民勁讚■莊韻澄日前晒老公操刀嘅水着相,獲網民大讚索到流鼻血。
新戲大收■莊韻澄有份演出的《正義迴廊》,票房衝破3,100萬港元。
新戲大收■莊韻澄有份演出的《正義迴廊》,票房衝破3,100萬港元。
公開集氣■今年6月公開BB超聲波圖集氣,希望BB能夠順利出世。
公開集氣■今年6月公開BB超聲波圖集氣,希望BB能夠順利出世。
治療良方■手術後返家休養,兒子係最佳治療良方。
治療良方■手術後返家休養,兒子係最佳治療良方。
面容憔悴■莊韻澄做完引產手術後,面容憔悴。
面容憔悴■莊韻澄做完引產手術後,面容憔悴。

其他文章
hd