首頁 日報娛樂

首演女一挑戰小品劇 蔣祖曼目及實黎耀祥做戲偷師

05/12/2022
■蔣祖曼首做女主角,好開心可以向視帝偷師。
■蔣祖曼首做女主角,好開心可以向視帝偷師。

由黃偉聲監製、龍文康任編審的新劇《輕.功》,將緊接台慶劇《超能使者》,今晚開始逢星期一至五晚九點半在翡翠台播出,演員陣容包括黎耀祥、龔慈恩、蔣祖曼、朱晨麗、朱敏瀚等。

劇集《輕.功》除了有好戲之人黎耀祥及龔慈恩助陣外,劇中飾演他們子女的蔣祖曼、朱敏瀚同樣值得關注。37歲的蔣祖曼在《鐵探》、《使徒行者》及《逆天奇案》的演出大獲好評,今次首度升呢做女一,演出令人期待。蔣祖曼飾演的洪翊嵐是一位女強人,做事果斷能幹,同時亦是一位「控制狂」,雖然她不時與老竇洪十一(黎耀祥飾)頂撞,但其實內心十分關心爸爸。

蔣祖曼表示:「咁多年冇演過小品劇,終於可以試啲未做過嘅角色同戲種。」祖曼又稱很榮幸可以跟視帝祥哥合作,她說:「我成日趁佢拍攝時睇mon偷師,好多場戲都睇到我哋眼濕濕,真係演得好好。」
朱仔同祥哥關係變Close

至於現年30歲的朱敏瀚(朱仔)近年演技大躍進,今次是他繼《拳王》後再與祥哥結父子緣,他受訪時說:「好開心可以再同佢合作,上次佢個角色比較有權勢,有一種距離感,今次就係一個正常家庭,關係close好多,感情戲同交流都多啲,有一排開工好似返咗屋企咁,拍得好輕鬆自在。」

此外,劇中一班舊同事兼街坊同樣值得注意,分別是前服裝師李世舫(鄭子誠飾)、前道具師方芯(王綺琴飾)、茶水姐姐姚寶螢(寶珮如飾)、前副導演鍾志威(韋家雄飾)及前編劇吳錦賢(歐瑞偉飾),眾人角色性格鮮明,然而每人背後其實都有着沉重的過去……另值得留意的是,《輕.功》會延續同樣由黃偉聲監製、龍文康任編審的《牛下女高音》精神,劇中重現不少經典金曲翻唱版,包括《深愛着你》、《一生何求》、《現代愛情故事》等,絕對能勾起觀眾的集體回憶。■黎耀祥的演技可謂登峰造極。

■黎耀祥的演技可謂登峰造極。
■一班綠葉令劇集更有色彩。
■一班綠葉令劇集更有色彩。
■朱敏瀚表示今次再同祥哥合作,關係變close。
■朱敏瀚表示今次再同祥哥合作,關係變close。
■蔣祖曼與朱敏瀚飾演姐弟。
■蔣祖曼與朱敏瀚飾演姐弟。
■王綺琴飾演的前道具師有着沉重的過去。
■王綺琴飾演的前道具師有着沉重的過去。
■韋家雄飾演的前副導演性格鮮明。
■韋家雄飾演的前副導演性格鮮明。

其他文章
hd