首頁 日報娛樂

對演戲有迷惘 呂爵安多謝毛姐君豪助開竅

06/12/2022
■Edan在謝票場時,坦言唔係好識演戲。
■Edan在謝票場時,坦言唔係好識演戲。

人氣男團MIRROR成員近期各有各忙,正、副隊長Lokman(楊樂文)及江𤒹生(AK)日前已起程到加拿大溫哥華為《全民造星V》揀蟀,二人分別在網上大晒合照。至於隊友呂爵安(Edan)連日來為電影《過時.過節》謝票,他坦言之前對演戲好迷惘,幸好獲同片的前輩教導,令他開竅。

呂爵安(Edan)正為主演的電影《過時.過節》謝票,前日更現身港九新界多處,連走18場謝票以感謝粉絲支持,他與導演曾慶宏一齊現身,把握有限時間與觀眾們交流,更回答粉絲的提問,透露了不少心底話。Edan表示:「其實自己對演戲一直有一種迷惘,唔係好知道點樣為之好同唔好,尤其今次係比較正經戲劇,同大家睇過嘅《大叔的愛》嗰種截然不同,今次好幸運遇到導演、毛姐(毛舜筠)同君豪哥(謝君豪)呢班前輩,同我傾好多偈,不停調整我,令我有好多得着,漸漸明白演戲係點嘅一回事。」

Edan坦白自己在與家人溝通上也處理不宜,今次電影令他學懂珍惜,意義上已經超越一部作品,Edan又在謝票場上清唱幾句電影主題曲《攀上天梯的螞蟻》,惹粉絲哄動。

另外,AK與Lokman日前起程飛往溫哥華為《全民造星V》進行招募,昨日二人均在社交網貼新相,AK留言表示,自去沖繩拍劇集《打天下》後就沒有再飛過,笑指希望今次「唔係好多嘢拍」,能夠有多點時間給他到處玩。■Edan與導演曾慶宏連走18場謝票。

■Edan與導演曾慶宏連走18場謝票。
■AK與Lokman好開心可以再飛。
■AK與Lokman好開心可以再飛。
■難得可以出國,二人在機場大擦一餐。
■難得可以出國,二人在機場大擦一餐。

其他文章
hd