首頁 日報娛樂

王丹妮做監犯為入戲指甲綑晒黑邊 廖子妤演煙民入型入格全靠子華Sir

11/01/2023
■Fish、Adam和Louise都認同今次電影雖然有沉重戲份,但拍攝過程極度愉快,除了得到幾位前輩照顧,同輩演員會不時食飯吹水。
■Fish、Adam和Louise都認同今次電影雖然有沉重戲份,但拍攝過程極度愉快,除了得到幾位前輩照顧,同輩演員會不時食飯吹水。

廖子妤(Fish)、王丹妮(Louise)和栢天男(Adam)在賀歲片《毒舌大狀》中合作,三人表示角色好有難度,對觀眾來講絕對有驚喜。而Louise為演好監犯角色,更專登搞殘自己。講到跟黃子華合作,三人都興奮狂讚偶像好照顧後輩,亦開行Turbo帶對手入戲,Fish更稱吸煙戲演得入型入格全靠子華主動幫她上了一堂「如何做煙民雞精班」。
採訪:杜杜 攝影:Stanley 髮型、化妝及服裝:GarySun@A.R.M.S. Salon、Melody Chiu(Louise)、zap tang@Toni&Guy、King Yip@ King’s Makeup、CELINE(Fish)、Kenki@W workshop、Rainbow@Annie G. Chan Makeup Centre、Theory(Adam) 場地:Madame Fu

戲中Fish首次挑戰富二代角色「鍾念華」,由於價值觀、背景到裝扮都跟她本人截然不同,所以有一定難度,「我演過好多唔同嘅角色,但呢個真係最頭痕,睇劇本時都問『真係搵我做』,導演同江老闆畀我去試一個同我差距咁大嘅角色,真係勁感恩!」所以她花了很多心機同時間做功課,就連行路都要重新學習,「好彩好早收到完整劇本,有個幾兩個月時間準備,如學着高踭鞋,雖然做過好多年model,但係平面硬照嘅model,我唔識着高踭鞋,仲要學埋儀態。」
王丹妮專登搞殘演監犯

Louise飾演的監犯「曾潔兒」,雖然跟她同樣是屋邨出身的模特兒,兼且有個囡囡,但往後的經歷她就完全沒體會過,加上角色太過壓抑及沉重,她除了跟導演吳煒倫研究外,更搵來資深舞台劇演員兼導師邵美君教戲。而她為求迫真,不單素顏上陣,更專登搞殘自己,「再化多啲黑眼圈,令皮膚質感、毛孔再粗啲,啲頭髮倒梳兼灑多啲鹽粉令佢打晒結,就連手指腳指甲都綑晒黑邊,因為角色當下情緒,面對咁多嘢唔會再想理乾淨,係好放棄自己嘅感覺,而外在呢啲嘢令我更加投入角色情緒。」

Adam在戲中演Fish的醫生老公「鍾京頤」,不過這個只是他的表面身份,到埋位時才知道真相,「我唔知個角色係做嗰樣嘢,我睇劇本同埋試戲嗰陣,以為角色係做另外一樣嘢,直到我去圍讀先知原來個故仔係咁㗎?!所以我係好surprise自己個角色,對角色係有另眼相看嘅。」不過他就大賣關子,唔肯透露角色令他驚喜的原因。
  三人均覺得角色有突破,加上有機會跟黃子華合作,開心之餘更讚偶像讚到停唔到口。
栢天男認子華面前好赤裸
  先由Adam開始,「同子華神對戲時,佢畀到個無形壓力我,因為佢要由頭望到我落腳,好似睇通晒我,喺佢面前好似赤裸裸咁樣,係個角色唔係我赤裸裸,哈!佢會完全帶到個情感畀我,因為我角色對白唔多,仲難演,所以『鍾京頤』係最challenging,演過最難嘅角色。」

Louise接力再讚,「有場子華神要向我低頭,對於王丹妮嚟講直情覺得超現實,究竟發生緊咩事?!但係角色嗰刻見到佢咁樣係暗爽嘅,佢係應該要咁樣,不過呢個係角色心態,所以一cut機,我係勁怯,係個好特別嘅過程。好多謝子華對後輩好照顧,好多場口佢都願意交足戲,就算唔係影住佢,佢都畀足對白,演戲講give and take,佢畀我好豐富嘅情感,我係咁吸,對我演戲係有好大幫助。」

Fish作為子華忠粉,兼繼《飯戲攻心》後第二度合作,首先她要跟子華抹清「母子」關係,「今次套戲大家勢成水火,佢同Louise同我都係對立,所以要當係上一世嘅嘢,粉筆字抹咗佢。」而她讚子華更有「連續性」,因對方一幫就幫晒她演兩套戲,「講啲有趣嘢,佢教我食煙囉!真係好多謝佢,戲入面我係有食煙場口,《飯戲攻心》都係有食煙,嗰時拍到一半,佢突然間同我講『阿Fish呀』,突然跳咗出嚟,佢本嚟係叫緊我阿媽㗎嘛!佢話『你唔識食煙』,哎吔!何其恥辱呀!個對手話我唔識,跟住我就話『願聞其詳』,於是佢就叫我跟佢去後樓梯,教我食煙,嗰次真係感受到食煙嘅頭暈!嗰次之後好似開咗一個食煙嘅竅,咁啱呢部戲又用得着。」■電影中,三人關係錯綜複雜,既是情人亦是敵人。

■電影中,三人關係錯綜複雜,既是情人亦是敵人。
■三人提到偶像黃子華,都有不同程度的粉絲自白。
■三人提到偶像黃子華,都有不同程度的粉絲自白。
■Adam角色難度高,好彩有導演及子華幫手。
■Adam角色難度高,好彩有導演及子華幫手。
■Louise為角色好大犧牲,素顏都嫌唔夠,更專登搞殘自己。
■Louise為角色好大犧牲,素顏都嫌唔夠,更專登搞殘自己。
■Fish原來亦有向行天橋經驗豐富的Louise請教,行得優雅的竅門。
■Fish原來亦有向行天橋經驗豐富的Louise請教,行得優雅的竅門。
■Louise跟老公羅孝勇第一次拍同一套戲,可惜沒有對手戲份。
■Louise跟老公羅孝勇第一次拍同一套戲,可惜沒有對手戲份。
■Fish雖然已跟子華連續合作了兩次,不過依然話未夠喉喎!
■Fish雖然已跟子華連續合作了兩次,不過依然話未夠喉喎!
■獲偶像親自教食煙的Fish,果然學得特別快。
■獲偶像親自教食煙的Fish,果然學得特別快。
■戲中子華向Louise跪低,其實她當時勁膽怯。
■戲中子華向Louise跪低,其實她當時勁膽怯。

其他文章
hd