首頁 日報娛樂

公開私藏照力證後生靚過Anson Lo 78歲馮素波唔忌諱談生死兩度落淚

13/01/2023
精采人生
■波姐稱自己福大命大如同重生,要活出精采人生。
精采人生 ■波姐稱自己福大命大如同重生,要活出精采人生。

78歲馮素波(波姐)因為與27歲MIRROR成員「教主」Anson Lo(盧瀚霆)撞樣,笑指兩人如「失散母子」而被廣告商目及中,化身「粉紅教主」拍醫美廣告成為佳話,廣告相被瘋狂洗版,連本尊都大讚可愛。波姐笑言最初唔知咩係「鏡粉」,「以為食得㗎。」而對「教主」讚不絕口的她,希望對方放下傷感,新一年要喜氣洋洋。另外,波姐深得後輩尊重,她接受《頭條日報》訪問時兩度感觸落淚,覺得生存在世,應該多做有意思的事。
採訪:方騫平 攝影:朱偉彥 場地:The Stadium

開埋IG分享嫲嫲日常的波姐近年變得活躍,原來背後係有段故。話說疫情下波姐工作量唔多,入院做身體檢查時發現大腸內有腫瘤,割除咗五分一大腸後,化驗報告幸好屬良性,波姐引用佛家說話:「有時出現最唔好嘅嘢,可能係人生最好嘅開始,經歷咗唔死嘅時候,我當自己係重生㗎嘞,決定要活出精采人生。」
以為「鏡粉」可以食

因為誠心做好事,喺不求自得心態下反而得到更加多,「我乜都順住軌跡,去年太得閒拍咗ViuTV劇集《繩角》,最初都唔知客串乜角色,原來係演『鏡仔』楊樂文(Lokman)、江熚生(AK)嘅嫲嫲,同劇仲有王智德(Alton)。原先我唔知『鏡仔』紅成咁,聽親生仔提及『鏡粉』,我仲以為係食得㗎!」至於同Anson Lo結緣,波姐有日收到阿仔傳嚟AL嘅相,被網民取笑兩人係「失散母子」,波姐童心未泯跟AL廣告相合照,諗住回應囝囝「係咪咁似樣呀?」點知被炒熱,亦好幸運獲邀拍廣告,「神徒」又錫她,她開心說:「哈!廣告商都係貪我夠老,由我嚟講故事。」
大讚MIRROR有禮貌

問到「失散母子」相似度時?波姐卻疑惑地反問:「你哋真係覺得似?我真係唔知,喺《過時·過節》中佢除咗眼鏡,塊面肥嘟嘟似BB樣,但換上西裝,戴返副眼鏡又變V煞面,整體我哋鼻樑挺直最似,而佢塊面瘦啲,我就眼矇矇,相反佢眼大大。」波姐坦言後生時靚過AL,她似爸爸馮峰多啲。波姐仲私人醒咗張23歲時索爆私藏照畀本報,「我後生時係咪靚女?最好由你哋評估吓。」及後她又補充:「人哋咁紅,何必似到盡?似少少也客氣。前輩唔代表大晒呀!要互相尊重,發揮演藝精神,開心地過年,希望社會少啲怨氣,多啲歡樂,發放無限正能量。呢啲先係作為前輩嘅責任!」波姐不忘大讚合作過嘅「鏡仔」好有禮貌,非常尊重前輩:「Anson Lo講嘢陰聲細氣,好靜好乖,而且講嘢好得體,胸襟廣闊,相對AK比較活潑。」
望12子助推動粵劇

波姐好想做到12子嘅嫲嫲,稍後她會演粵劇《洛神》,更想鏡仔幫手推動粵劇,增加年輕觀眾。她又寄語AL唔好為發生過嘅慘事掩蓋所有好嘢,因為唔好嘅事總會過去。另外,波姐受尊重,搵後輩幫手做商台節目《樂齡天國》嘉賓從來冇托手踭,連古天樂都買飛撐她開《峰波情未了》演唱會,她感動得喊住說:「疫情下邊個生命唔可貴?佢哋嚟睇我騷就少咗陪家人幾個鐘,受咁大恩惠要報恩,最近為港台拍一個關於生死節目《一切從簡》,由社企幫助一啲基層人士做善終,節目好有意義。」會讀佛法的波姐唔忌諱談生死,因為了解死亡才會生活得更好。時髦索女■波姐23歲時絕對係索女,仲話靚過教主。

時髦索女■波姐23歲時絕對係索女,仲話靚過教主。
感動到喊■得到咁多人愛錫,波姐感動到喊。
感動到喊■得到咁多人愛錫,波姐感動到喊。
粉紅教主 ■Anson Lo「粉紅教主」形象深入民心,而波姐化身「Annie波」變熟女版Anson Lo。
粉紅教主 ■Anson Lo「粉紅教主」形象深入民心,而波姐化身「Annie波」變熟女版Anson Lo。
童真驅使■因為貪玩喺「教主」炸雞廣告前合照,惹嚟城中熱話。
童真驅使■因為貪玩喺「教主」炸雞廣告前合照,惹嚟城中熱話。
最似爸爸■波姐話自己最似爸爸馮峰。
最似爸爸■波姐話自己最似爸爸馮峰。
開心嫲嫲■波姐喺劇集《繩角》中,飾演Lokman的嫲嫲,同後生仔玩得相當開心。
開心嫲嫲■波姐喺劇集《繩角》中,飾演Lokman的嫲嫲,同後生仔玩得相當開心。
鏡仔阿嫲■在電影《過時·過節》中,波姐飾演梁祖堯媽媽及Edan、袁澧林的嫲嫲。
鏡仔阿嫲■在電影《過時·過節》中,波姐飾演梁祖堯媽媽及Edan、袁澧林的嫲嫲。
古仔畀面■波姐為紀念已故爸爸馮峰舉行的《峰波情未了》演唱會,古老闆都出錢買多張飛力撐。
古仔畀面■波姐為紀念已故爸爸馮峰舉行的《峰波情未了》演唱會,古老闆都出錢買多張飛力撐。
失散母子■「教主」同波姐終於喺電影《過時·過節》首映中合體。
失散母子■「教主」同波姐終於喺電影《過時·過節》首映中合體。
關注粵劇■波姐準備演人生第一個大戲,也希望年輕人關注粵劇文化。
關注粵劇■波姐準備演人生第一個大戲,也希望年輕人關注粵劇文化。
一切從簡■波姐跟顧定軒到墓地拍攝關於生死節目《一切從簡》,見證社企幫助一啲基層人士做善終。
一切從簡■波姐跟顧定軒到墓地拍攝關於生死節目《一切從簡》,見證社企幫助一啲基層人士做善終。

其他文章
hd