首頁 日報娛樂

獨資7位數搞護膚品生意 陳敏之夢想全球開舖兒子繼承

14/01/2023
■敏之最大夢想是成立的品牌,能夠世界各地都開設分店。
■敏之最大夢想是成立的品牌,能夠世界各地都開設分店。

陳敏之繼2014年跟友人合資7位數開設餅店「BLESSCUIIT BAKERY」後,最近再獨資7位數搞護膚品生意「Shagic」,她自認是貪靚鬼最愛狂買護膚品來試,所以產品都以自己喜好出發,雖然暫時只設網站,但她期望兩年後能夠開到實體店,夢想在世界各地開舖,再由囝囝雷子樂繼承。
採訪:杜杜
攝影:譚志光 形象:KARL HUI WorkHouse 髮型:Eve Chiu
化妝:Circle Cheung 服裝:BORA AKSU 場地:Arcadia Restaurant & Bar

繼成為歌手及演員後,創立品牌一直是敏之另一夢想,「今次意義仲大過上次(開餅店),因為係用我個名『Shagic』 ,即係Sharon Magic嘅意思,亦都係我一個人獨資去創立嘅品牌,做到真係好滿足同埋無憾,諗返當日乜都冇,只得兩部電腦,就喺度砌,好似砌積木咁,好有滿足感!」
被債主入稟上寶貴一課

雖然網店已在去年10月正式開業,但敏之認為距離成功還差很遠,因她覺得有實體店才達標,「我想有舖頭,想睇到我啲產品放喺度,但有排都未得,要出多好多產品,所以要慢慢嚟。」敏之打算畀自己兩年時間,到時可以開到第一間舖,當然她還有更遠大的夢想,希望全球都能開店,「可以發展到子樂大咗都仲喺度,咁個品牌承傳畀佢,佢就幫媽咪繼續搞,但係我覺得佢未必會幫我,哈哈!」

上次搞餅店曾被債主入稟申請清盤,雖然最後能和解,但這次經驗令敏之上了寶貴一課,今次再做老闆會更加小心,「以前試過好多挫折,都係好大嘅人生課堂,其實唔關我事,係啲拍檔嘅事,但都係因為溝通得唔好,整咗啲嘢出嚟我又唔知,自己要記住,溝通好緊要,就算o依家同員工或者廠商都要溝通清楚。」■最近敏之再跟好友黃翠如,一齊修讀調香師課程。

■最近敏之再跟好友黃翠如,一齊修讀調香師課程。
■14年,敏之跟朋友合資搞餅店,當時她經常到舖頭打點。
■14年,敏之跟朋友合資搞餅店,當時她經常到舖頭打點。
■敏之今次再搞生意,老公雷偉信(William)繼續扮演幕後軍師。
■敏之今次再搞生意,老公雷偉信(William)繼續扮演幕後軍師。
■去年10月,敏之舉行記者會,宣佈品牌推出及網店正式開業。
■去年10月,敏之舉行記者會,宣佈品牌推出及網店正式開業。
■敏之夢想品牌由囝囝子樂繼承,再發揚光大。
■敏之夢想品牌由囝囝子樂繼承,再發揚光大。
■敏之對美容事業相當認真,早前一take過考獲韓國認證師資課程證書。
■敏之對美容事業相當認真,早前一take過考獲韓國認證師資課程證書。

其他文章
hd