首頁 日報娛樂

美國巡演曾見夏蕙姨代公告下月返港 薛家燕三年冇見「A君」情侶變好朋友

14/01/2023
唔覺情變
■家燕姐現身工展會時笑得開懷,睇唔出情已變。
唔覺情變 ■家燕姐現身工展會時笑得開懷,睇唔出情已變。

去年初玄學家李居明為薛家燕預測虎年運程時,向本報驚爆家燕姐跟收埋拍拖14年的男友「A君」關係亮起紅燈,搞到家燕姐尷尬打圓場:「疫情關係,大家唔好行埋住!」隨住本港與內地正式通關,家燕姐竟然冇打算北上會男友,她接受《頭條日報》獨家訪問時,坦言已跟「A君」由情侶「降呢」成為好朋友。採訪:方騫平 攝影:羅安強

72歲的家燕姐好忙,去年12月中往美國三省巡演,返港翌日即現身工展會為代言廚具品牌做宣傳,同場仲有司儀「大王」安德尊。會上家燕姐親自做示範,又跟Fans玩有獎問答遊戲,家燕姐全程展現親切笑容。
  講返美國巡演,家燕姐相當好運,由紐約往三藩市翌日,紐約機場即因大風雪封閉:「『二公主』沈芝華兩姊妹及黃夏蕙長途跋涉嚟捧場,夏蕙姨仲送上銀牌。」家燕姐又代夏蕙姨同香港fans講:「今年佢會喺三藩市上頭炷香,囡囡已幫佢訂咗性感兔女賀年衫,下月中才返港。」至於洛杉磯站跟尹光一齊演出,好友陳曼娜、梅蘭、林穎嫻係席上客。
想「A君」做主動

疫情3年多,中港兩地受嚴格檢疫限制,導致家燕姐跟上海營商的男友「A君」長期分隔兩地,對於中港關已通,追問家燕姐會否急返內地跟男友重聚?她只發出如蟻咬的唔……呀……聲,答不出話,停咗5秒再尷尬笑說:「哈……睇情況啦,疫情影響好大,大家3年冇見疏離咗,但都係好朋友關係,會互相支持,最近內地疫情緊張都會問候吓,佢都希望我保重……」

家燕姐坦言跟「A君」由情侶「降呢」變好朋友,咁難得搵到老伴,記者都戥佢可惜。當事人就話唔可惜,表示大家仲係好朋友,又留自己一條後路:「哈!唔知日後發展會點!睇疫情啦,希望冇事,睇吓佢點處理。」家燕姐講講吓又突然少女心,承認想對方做主動,因為今年schedule畀大女石祐珊填爆咗,除咗3月飛大馬登台及返內地做嘢外;呢一年要去星馬做10次牀褥廣告宣傳。至於「A君」會否願意飛返嚟,喺佢身邊做「阿四」箍煲?家燕姐卻婉拒說:「唔得,唔可以嘅!」放低工作陪佢又唔鍾意,家燕姐真係呢。男友視角■兩年前去日本旅行時,男友視角下的家燕姐幾可愛!

男友視角■兩年前去日本旅行時,男友視角下的家燕姐幾可愛!
上頭炷香■夏蕙姨今年會喺三藩市上頭炷香。
上頭炷香■夏蕙姨今年會喺三藩市上頭炷香。
示範煎蛋■由安德尊陪住家燕姐喺台上示範煎荷包蛋。
示範煎蛋■由安德尊陪住家燕姐喺台上示範煎荷包蛋。
二姐捧場■家燕姐跟「七公主」二姐沈芝華感情要好,後者和好妹妹結伴捧場。
二姐捧場■家燕姐跟「七公主」二姐沈芝華感情要好,後者和好妹妹結伴捧場。
有緣相遇■移居美國多年嘅林穎嫺,喺後台遇上由香港飛去美國睇騷的陳曼娜。
有緣相遇■移居美國多年嘅林穎嫺,喺後台遇上由香港飛去美國睇騷的陳曼娜。
得意孫仔■孫仔Julian歲幾大超得意,家燕姐好想新抱仔今年追多個。
得意孫仔■孫仔Julian歲幾大超得意,家燕姐好想新抱仔今年追多個。

其他文章
hd