首頁 日報娛樂

柏安妮18歲囡囡家輝城城搶住要 對住月台幕門整衫洩星味許恩怡

16/01/2023
■雖然帶咗口罩,但唔難認出係Natalie。
■雖然帶咗口罩,但唔難認出係Natalie。

本月尾19歲生日的柏安妮細女許恩怡(Natalie)好厲害,21年尾憑出道電影《燃野少年的天空》,已勇奪「東京國際電影節中國電影周」金鶴獎的「最佳新人獎」。有樣、演得、跳得仲要後生,難怪有傳古天樂都睇好佢。日前下午,仲未剪短頭髮拍戲的Natalie現身坑口港鐵站,雖然帶口罩,但身形「的骰」,着短身Tee又露腰嘅佢已有陣星味,望兩眼已認得係未來新人王許恩怡。
採訪:金泰亨

Natalie嘅profile愈嚟愈勁,先後為呂爵安及張天賦的《飄流教室》及《自我安慰》MV擔任女主角,唔係齋擺甫士show靚樣就算,要交吓戲都難佢唔到,最難得個樣唔太有侵略性,fans冇詐型係重點。
細細粒好可愛

近日,Natalie連接兩套大片,分別參與張家輝執導的《贖夢》,以及在《無名指》中飾演梁詠琪及郭富城的患病女兒,全程坐輪椅,估計角色有幾大發揮。日前下午,着住白色貼身短身tee加黑色長褲及tote Bag的Natalie現身坑口港鐵站,見佢行去櫃員機撳錢,然後吊吊揈住個手提電話行去搭港鐵,等車期間,Natalie都有撳電話,但大部份時間都係望住個月台幕門,有時整吓件衫,有時左右腳換轉企法,簡單郁吓已經好有星味。■擔任《飄流教室》MV女角,有啲演技㗎。

■擔任《飄流教室》MV女角,有啲演技㗎。
■Natalie好跳得,期待未來睇佢台上露兩手。
■Natalie好跳得,期待未來睇佢台上露兩手。
■未入行前同媽媽行街街。
■未入行前同媽媽行街街。
■18歲嘅Natalie偏瘦,望落條腰最多23吋。
■18歲嘅Natalie偏瘦,望落條腰最多23吋。
■月台幕門好有用,整一整靚晒。
■月台幕門好有用,整一整靚晒。
■身形纖瘦嘅Natalie唔介意性感,小背心幾青春。
■身形纖瘦嘅Natalie唔介意性感,小背心幾青春。
■許恩怡在新片中飾演郭富城及梁詠琪的女兒。
■許恩怡在新片中飾演郭富城及梁詠琪的女兒。
■童年時的Natalie與媽媽柏安妮。
■童年時的Natalie與媽媽柏安妮。

其他文章
hd