首頁 日報娛樂

70歲大壽後再中招幸屬輕症 張偉文病瘉好胃口 唔怕死:無憾了

19/01/2023
笑容再現
■張偉文離開安老院去飲下午茶,笑容再現。
笑容再現 ■張偉文離開安老院去飲下午茶,笑容再現。

去年2月中,剛70歲的「靚聲王」張偉文因為在安老院舍感染新冠肺炎被送往廣華醫院,住院期間病情一度惡化,幸最終大步檻過。經過大半年調理身體,健康向好,並完成餘下兩場個唱。原來去年尾大壽後,因為安老院舍再次大爆發,張偉文又一次中招,好彩今次只屬輕症,好快康復。屢受病魔考驗,張偉文強調唔怕死,因為有身邊人及fans愛錫自己,又有歌唱,無憾了!
採訪:方騫平 攝影:羅安強

去年初張偉文感染新冠肺炎,半邊肺花了及血含氧量偏低,情況一度唔樂觀,出院後經理人方俊keep住煲湯為他調理身體,之後又有補場演唱會寄託,偉文愈唱愈強,成個人精靈返。
再次感染病徵不多

張偉文日日在安老院舍做快測均只屬「一線」,加上他近年失智症變得嚴重,無法向身邊人表達身體狀況。去年12月21日現身酒樓慶祝70歲大壽時明顯跌watt,見他不時合上雙眼一臉倦意,之後證實確診。據知,張偉文是入住的安老院舍第20位受感染的老人家,病後被送往石硤尾社區中心隔離7天,不過,今次只係流鼻涕及有咳,病徵不多。對於第二次中招,張偉文唔太記得,講返都唔多擔心:「我好似冇乜嘢咁喎。」
病瘉食Tea好胃口

不良於行的張偉文o依家最開心係食同唱歌,上周方俊接張偉文到安老院舍附近的餐廳食tea,已完全康復的他相當好胃口,一口氣食咗兩人份量,有炒麵、炸雞中翼及全隻熱狗嘅下午茶,之後再追加炒麵,期間仲好好唱口,唱咗兩句《帝女花》,要證明病後唱歌仍然冇問題。重提當日70大壽令人擔心嘅狀況,張偉文已「斷片」,但睇返手機相片就重拾返些少記憶,他說:「其實擺大壽冇乜嘢呀,我一直都想見吓朋友,嗰日完全唔知病咗,話唔開心係因為有啲攰,唔能夠盡興……呢件事令身邊人受委屈,不過,無聊說話永遠講唔完,唔好理喇。」
新一年望再開個唱

說到新年願望,張偉文希望世界平安,另又堅持好想繼續開演唱會:「坐輪椅開演唱會唔辛苦,鍾意唱歌唔介意坐得耐,仲好enjoyO添,但要有啲新意,可以做啲自由嘅嘢,想唱乜就唱乜,你眼望我眼就好唔自然。」經歷過兩次中招,張偉文冇擔心過生死問題,他淡淡然說:「每次喺做嘢嘅地方見到有咁多人錫我,而經理人係最好㗎喇,佢見到我好會好開心,我信得過佢,做人最緊要係互相信賴,所以無憾啦。」重拾記憶■睇手機內相片,重拾70大壽時的零碎記憶。

重拾記憶■睇手機內相片,重拾70大壽時的零碎記憶。
食咗先講■柯打第2 set下午茶,即夾炒麵入口。
食咗先講■柯打第2 set下午茶,即夾炒麵入口。
食完即閃■食完下午茶,張偉文就扭計話個肚、雙腳有啲唔舒服,要返老人院休息。
食完即閃■食完下午茶,張偉文就扭計話個肚、雙腳有啲唔舒服,要返老人院休息。
狀態跌Watt■去年尾張偉文70大壽時狀態不佳,令人擔心。
狀態跌Watt■去年尾張偉文70大壽時狀態不佳,令人擔心。
首度中招■去年2月中,張偉文首度中招,出院後仍然周身唔舒服。
首度中招■去年2月中,張偉文首度中招,出院後仍然周身唔舒服。
激動爆喊■台上張偉文見到fans支持,激動爆喊。
激動爆喊■台上張偉文見到fans支持,激動爆喊。
忠粉支持■去年張偉文開演唱會,場場爆滿,有好多忠粉為他打氣。
忠粉支持■去年張偉文開演唱會,場場爆滿,有好多忠粉為他打氣。
開心相聚■朋友姚煒、周啟生、方麗盈等陪住唱歌、吹水,張偉文最開心。
開心相聚■朋友姚煒、周啟生、方麗盈等陪住唱歌、吹水,張偉文最開心。
有情有義■張偉文曾公開感謝經理人方俊有情有義,出錢出力照顧。
有情有義■張偉文曾公開感謝經理人方俊有情有義,出錢出力照顧。
大功告成■去年張偉文補返舉行兩場個唱,姚煒、方俊擔任表演嘉賓。
大功告成■去年張偉文補返舉行兩場個唱,姚煒、方俊擔任表演嘉賓。

其他文章
hd