首頁 日報娛樂

預告《冲遊8》冬蔭妹露半球 胡慧冲3年冇返港阿媽一攬即喊

20/01/2023
■胡慧冲返港即揀食粵菜,新一年食「撈粗」好意頭。
■胡慧冲返港即揀食粵菜,新一年食「撈粗」好意頭。

有3年幾冇返港的「泰國通」胡慧冲(Roger)趁住開關,月初回港6天探望年老雙親,並提前同家人食團年飯。對於《冲遊》系列拍到第八輯,Roger坦言多咗人認識,在港期間不時有觀眾要求合照,他承諾繼續做好節目,更預告2月8日晚10點半起J2播出的《冲遊8》,冬蔭妹會「露半球」跟他齊齊搶fo。
採訪:方騫平 地場:中華小館

受疫情影響超過3年冇返香港,Roger形容感覺既親切又陌生,一落機就急不及待去父母屋企食飯,媽媽喺樓下等候時,見到他即刻爆喊:「搞到我個心好唔安樂,攬住掃佢個頭安慰佢話『乖啦,唔好喊啦!』幸好兩老身體都健健康康。」他承諾之後會多回港陪伴。另外,最快4月會帶埋冬蔭妹及冬蔭哥哥出席泰國旅遊局搞嘅泰國節。
回港同Fans聚會

Roger的回港行短留6天,期間跟20位粉絲飯敍,「獲大家嘅支持好感動,今次由機場到平日出街,認識我嘅人明顯多咗,好多人同我打招呼及合照,大廈看更又畀利是鼓勵我,自問非大台藝員,又唔係靚仔。最尷尬係媽媽見到我好激動咁喊,身後突然有把聲話係我粉絲要求合照。」

另外,《冲遊泰國8》除咗有冬蔭妹、「叉燒姐」鄺玲玲等班底外,仲加入新成員泰國後生版冲為糊,Roger笑言今次「索爆」嘅冬蔭妹更會露半球,強調冇流鼻血:「都第八輯啦!見慣不怪喇。」
■跟20位鐵粉聚會,互相交流意見。

■跟20位鐵粉聚會,互相交流意見。
■Roger露肥肉,笑言要同出水芙蓉的冬蔭妹較量。
■Roger露肥肉,笑言要同出水芙蓉的冬蔭妹較量。
■Roger跟冬蔭哥哥(左一)、冬蔭妹妹、「冬蔭家族」新成員冲為糊(右一)拍外景。
■Roger跟冬蔭哥哥(左一)、冬蔭妹妹、「冬蔭家族」新成員冲為糊(右一)拍外景。
■「索爆」冬蔭妹喺《冲遊8》「露半球」,觀眾有眼福。
■「索爆」冬蔭妹喺《冲遊8》「露半球」,觀眾有眼福。
■Roger好錫媽媽,承諾今年會多返港相伴。
■Roger好錫媽媽,承諾今年會多返港相伴。
■早年Roger用一萬港元,從日本網購可騎嘅超人玩具,但一直存放喺朋友公司,今次返港興奮開箱。
■早年Roger用一萬港元,從日本網購可騎嘅超人玩具,但一直存放喺朋友公司,今次返港興奮開箱。

其他文章
hd