首頁 日報娛樂

入行10年首任劇集男一 蔡瀚億盼出街有人叫佢角色名

20/01/2023
■BabyJohn好希望劇集推出,大家會改口叫他角色名「阿乃」。
■BabyJohn好希望劇集推出,大家會改口叫他角色名「阿乃」。

蔡瀚億(BabyJohn)首次出演男主角的ViuTV劇《大誠實家》,將於初二推出,雖然劇集非傳統賀歲劇格局,但他覺得絕對適合一家人收睇。入行10年,BabyJohn坦承因疫情演出機會大減,特別珍惜第一次孭飛機會,亦因為得閒可花足兩個月時間準備演出,所以劇集推出零壓力,更相信因靠《晚吹—空肚講宵夜》入屋,多了觀眾支持。 採訪:杜杜 攝影:孔子
髮型:Eve Chiu 服裝:ISSEY MIYAKE 場地:文房Pen House

新劇《大誠實家》以傳銷公司老闆因突發原因不能講大話做主題,並非純喜劇,BabyJohn最初都估不到會在賀歲檔推出,「係套好反覆嘅作品,因為去到中後段情感好濃烈,講緊人與人之間嘅關係,大話同真話間嘅矛盾,唔係嗰啲闔家歡開開心心嘅劇,但的確係喜劇嚟。」不過他認為亦適合一家人睇,「套劇講緊你同身邊人關係,點樣跟工作去拿捏個平衡,幾適合一家人去睇,會容易消化。」
靠《宵夜》入屋

對於第一次孭重飛,BabyJohn反而冇增加壓力,「我老婆前幾日先問完我有冇壓力,我又冇喎!都諗會唔會有啲無形壓力,所以叫老婆幫我留意吓,呢幾晚有冇發開口夢、有鼻鼾嗰啲,佢又話冇喎!同啲朋友分享,甚至導演都問我,不過,我都係咁講,要做嘅嘢做晒,要畀力嘅時候已經畀晒。」BabyJohn表示自己少咗機會就多咗時間準備,「唔係淨係我,大家都係用咁長時間去準備,就算我幾佛系同個機會主意者角色幾唔同都好,都可以有充足時間同佢相處。」

BabyJohn承認拍《空肚講宵夜》令自己更入屋,可能對今次劇集收視有幫助,「疫情影響我最大就係入咗屋,以前啲人話睇你咩戲認識我,o依家話睇《宵夜》認識我,仲會成日問我去邊度食嘢,我期待遲啲新年出街時,啲人嗌我個角色名,有間食肆我成日去,仲係嗌緊我上個劇集角色『奇哥』,嗰套係2017年都幾尷尬,嚟緊希望佢哋叫我『阿乃』啦!」■BabyJohn演出首部電影《狂舞派》後一直發展順利,卻因疫情令機會大減。

■BabyJohn演出首部電影《狂舞派》後一直發展順利,卻因疫情令機會大減。
■BabyJohn太太亦擔心他首次做男一壓力大,但他卻放得好開。
■BabyJohn太太亦擔心他首次做男一壓力大,但他卻放得好開。
■疫情令BabyJohn演出機會大減,幸好他放開心懷主持《宵夜》而成功入屋。
■疫情令BabyJohn演出機會大減,幸好他放開心懷主持《宵夜》而成功入屋。
■BabyJohn跟《大誠實家》一班拍檔,合作得相當愉快。
■BabyJohn跟《大誠實家》一班拍檔,合作得相當愉快。
■BabyJohn上次令觀眾記得的角色,已是2017年TVB劇《荷里活有個大老千》的「舒奇」。
■BabyJohn上次令觀眾記得的角色,已是2017年TVB劇《荷里活有個大老千》的「舒奇」。
■BabyJohn在《大誠實家》演繹的傳銷公司老闆,因突發原因不能再講大話。
■BabyJohn在《大誠實家》演繹的傳銷公司老闆,因突發原因不能再講大話。

其他文章
hd