首頁 日報娛樂

《下流》成大贏家 「車家」食開年飯慶功 林敏驄 江美儀 羅毓儀 祝人人有得撈

26/01/2023
八字好夾
■江美儀跟林敏驄八字好夾,兩人能互相助攻。
八字好夾 ■江美儀跟林敏驄八字好夾,兩人能互相助攻。

今年TVB台慶獎項塵埃落定,「視帝」、「視后」落喺陳山聰及江美儀手上。首拍劇集的林敏驄(大師),亦被網民封為「民選視帝」贏盡口碑。新正頭「車總」林敏驄率「車太」江美儀及細女「蔓蔓」羅毓儀豪食開年飯慶功,林敏驄接受《頭條日報》訪問時就笑言一早攞咗「獎金」(優厚酬勞),更抵死自爆酬勞較易角前的姜皓文還要多。

採訪:方騫平
攝影:譚志光
場地:中華小館

去年TVB劇集《下流上車族》叫好叫座,成為台慶頒獎禮大贏家,更以大熱姿態擸埋「最佳劇集」大獎。林敏驄、江美儀及羅毓儀於開年飯局中勁好胃口,開心大啖食「鳳凰展翅」(炸小黃魚)、「年年有餘」(鎮南非鮑魚) 、「包你撈起」(豬筋撈粗麵)及冰鎮咕嚕肉等,笑言大女「芊芊」郭柏妍要開工,要食埋佢嗰份。「撈起」時3人大講吉利說話,林敏驄邊落鮑魚汁邊說:「呢個係easy執!」江美儀及羅毓儀你一句我一句開心說:「個個有得撈,仲要係撈粗,(落花椒油)有好多油水,搵千千萬萬億億然後上車喇……。」
美儀同前夫互相關心

江美儀等咗31年終奪視后,老友梁洛施、前夫吳君祥分別發短訊祝賀,美儀承認跟前夫仍保持良好關係,會互相關心,問到有否復合機會?美儀即笑住落閘:「唔好喇啩!畀啲真嘢我嗒吓好唔好?」羅毓儀話「媽咪」行緊正官運,有獎有事業就有老公。江美儀坦言有個伴都好,開心就得,一切隨緣:「不過,我同林敏驄八字係好相似,會互相助攻!」林敏驄表示同意:「佢開工第2日拍感情戲就助攻我,所以要投桃報李,o依家佢由『助攻王』變『烏雞視后』。」
最想《下流》拍電影版

林敏驄邊食邊爆料:「所以我當日同佢(美儀)講,話『視后一定係你』,但佢唔信!」問到大師係咪早已收到風?他哈哈大笑推說:「因為有人報夢畀我知。」大師再得戚搞爛gag取笑江美儀:「佢拍劇前又緊張,頒獎禮前仲騰雞到去藥房買視后(事後)丸,話對手好勁,食偉哥㗎,要頂住!」大師又再爆多啲:「今次係老竇賺錢老婆同女享福,我係總經理(曾志偉)輩負責派獎,幫佢哋打江山,哈……我連民選視帝都唔要喇,因為攞咗個終極大獎,喺台上畀團隊圍住經已好滿足,連監製都要彈埋一邊。」他又指自己已攞咗『獎金』:「『獎金』唔係差電影好多,志偉仲話我比黑仔(姜皓文)多,我睇錢份上啫。」美儀和應說:「佢攞晒啲『獎金』,所以視『獎品』如浮雲,『獎品』係好虛啫。」

而羅毓儀最想由「爹哋」執導拍《下流》電影版《如珠如寶千千萬萬》,美儀建議叫《車家大戰哈比族》都唔錯。另外,林敏驄將於3月舉行作品展演唱會,「車家」到時會於台上合體一齊唱歌。齊齊「撈粗」■江美儀、林敏驄、羅毓儀齊齊「撈粗」,期望新一年搵多啲。

齊齊「撈粗」■江美儀、林敏驄、羅毓儀齊齊「撈粗」,期望新一年搵多啲。
人氣急升■林敏驄取笑細女「蔓蔓」羅毓儀行緊狗屎運,半年間人氣急升仲唱埋歌。
人氣急升■林敏驄取笑細女「蔓蔓」羅毓儀行緊狗屎運,半年間人氣急升仲唱埋歌。
開心合作■林敏驄、江美儀、郭柏妍、羅毓儀合作愉快,美儀大讚兩女好乖,承諾會畀佢哋大利是。
開心合作■林敏驄、江美儀、郭柏妍、羅毓儀合作愉快,美儀大讚兩女好乖,承諾會畀佢哋大利是。
前夫祝賀■前夫吳君祥透過微博恭喜江美儀得獎,美儀忙到冇即時發現。
前夫祝賀■前夫吳君祥透過微博恭喜江美儀得獎,美儀忙到冇即時發現。
星夢歌手■26歲童顏羅毓儀愈嚟愈紅,最近更成為星夢娛樂歌手。
星夢歌手■26歲童顏羅毓儀愈嚟愈紅,最近更成為星夢娛樂歌手。
高挑身材■奪得「飛躍進步女藝員」嘅「芊芊」郭柏妍唔止有演戲潛質,仲係學霸兼有高挑身材。
高挑身材■奪得「飛躍進步女藝員」嘅「芊芊」郭柏妍唔止有演戲潛質,仲係學霸兼有高挑身材。
一臉滿足■林敏驄及「烏雞視后」主演嘅《下流》獲「最佳劇集」大獎,大師台上致詞時一臉滿足。
一臉滿足■林敏驄及「烏雞視后」主演嘅《下流》獲「最佳劇集」大獎,大師台上致詞時一臉滿足。
變大贏家■《下流上車族》叫好叫座,成為台慶頒獎禮大贏家。
變大贏家■《下流上車族》叫好叫座,成為台慶頒獎禮大贏家。
大師撞樣■男友Mike被指跟林敏驄撞樣,羅毓儀死都話兩人唔似樣。
大師撞樣■男友Mike被指跟林敏驄撞樣,羅毓儀死都話兩人唔似樣。
童顏妹妹■羅毓儀憑住一臉童顏成為TVB「御用學生妹」,有好多男粉絲。
童顏妹妹■羅毓儀憑住一臉童顏成為TVB「御用學生妹」,有好多男粉絲。
3月開Show■大師今年再搞作品展,而喺2017年嘅演唱會中曾邀請苟芸慧做嘉賓。
3月開Show■大師今年再搞作品展,而喺2017年嘅演唱會中曾邀請苟芸慧做嘉賓。
閨密繞手■梁洛施在IG上載繞實出爐視后江美儀的合照。
閨密繞手■梁洛施在IG上載繞實出爐視后江美儀的合照。

其他文章
hd