首頁 日報娛樂

港版《爸爸去哪兒》 零腩陳錦鴻呵護12歲囝囝

16/08/2019
■52歲陳錦鴻身形好fit,唔見肚腩。佢傍實兒子二人行。
■52歲陳錦鴻身形好fit,唔見肚腩。佢傍實兒子二人行。(1/7)

  五十二歲嘅陳錦鴻,一○年為家庭淡出娛樂圈,今年難得復出拍攝ViuTV劇集《婚內情》,變身出軌人夫。日前下午,錦鴻一家三口現身又一城,一身運動look嘅人夫零肚腩,外在好fit,仲好有內在美㗎!皆因佢多年嚟親手照顧患有自閉症嘅兒子陳駕樺(Edgar),呢日見佢拖實快將升中一嘅乖仔,又會替愛兒孭書包,夠晒溫柔呵護,係個絕世好爸爸呀! 採訪 ︰ 李權威

  陳錦鴻○四年與DJ太太杜雯惠結婚,○七年兒子出世,兩歲時仍未會說話,四歲那年被評估為自閉症及中度智障,於是錦鴻毅然決定全面停工,將所有時間投放喺兒子身上,陪伴成長。經多年努力後,Edgar不僅在主流學校試過考獲全級第一,仲懂事叫爸爸可以放心出外工作,兩父子日日互講「我好愛你」,超級溫馨。

兩父子講我愛你

  日前下午,一身運動裝嘅陳錦鴻孭住個背囊又拎住個運動袋,似係剛剛做完運動去湊阿仔放學,然後去又一城join埋老婆一齊食tea。廿四孝父親全程傍實兒子,其後同愛妻分道揚鑣後,兩父子溫馨手拖手行去搭𨋢取車,錦鴻仲幫阿仔孭埋書包,一個人拎晒啲袋,係力嘅表現同時亦睇到佢係一個好有承擔嘅好男人呀!

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd