首頁 日報娛樂

陸家俊曾向梅姐挑機 何婉盈感激學友講過算數

17/08/2019
■何婉盈及陸家俊希望幕前工作能夠長做長有。
■何婉盈及陸家俊希望幕前工作能夠長做長有。(1/6)

        軟硬天師的經典歌《廣播道Fans殺人事件》中歌詞提及「陸家俊、何婉盈、黎明詩…我哋支持你。」以上三人,加埋「經典同學會」的同學仔黃翊、胡渭康、林利、黃寶欣、莫鎮賢及文佩玲,九男女將於下月舉行兩場《記得?我們的主打歌演唱會》。何婉盈自爆當年20歲唔識死,曾開口問四大天王之一的張學友索個唱門票;至於陸家俊自爆15歲參加新秀時,竟大膽走近梅艷芳身邊跳舞挑機。

何婉盈及陸家俊忽發奇想,笑言兩人及黎明詩當年被軟硬唱過,倒不如到時互相支持,互唱為對方打氣,兼且炒熱氣氛。陸家俊說:「《廣播道Fans殺人事件》對我哋影響都幾大,作為新人獲軟硬點燈,既驚且喜,首歌我唱到滾瓜爛熟,我相信觀眾應該都唱到,因為係當年K歌。」

打算自資出歌

  48歲何婉盈因為TVB節目《流行經典50年》而重出江湖,再燃起歌癮的她打算自資出新歌。何婉盈提到當年做歌手時的趣事,「有年主持《勁歌金曲》,夠膽死同張學友講話撲唔到佢嘅演唱會飛,學友真係託經理人預留兩張免費飛畀我,所以好欣賞呢個大哥哥,佢喺香港開嘅演唱會一次都無錯過,當然全部自己畀錢睇。」另外,43歲陸家俊回想當年在新秀決賽跟梅姐同台較量唱《逝去的愛》,他突然喺梅姐身邊jam舞:「梅姐勁到不得了,梗係招架唔住,近年睇返都覺得自己舉動好搞笑。」

採訪:方騫平 場地:工創空間lndex@觀塘

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd