首頁 日報娛樂

拍《臥底旅行團2.0》被認出 李尚正盧頌恩望節目再添食

22/08/2019
■李尚正和盧頌恩合作逾5年,所以主持《臥底旅行團2.0》默契十足。
■李尚正和盧頌恩合作逾5年,所以主持《臥底旅行團2.0》默契十足。 (1/8)

  李尚正跟盧頌恩(妹頭)主持的香港開電視節目《臥底旅行團2.0》好受觀眾歡迎,節目還有兩集就播完。妹頭讚阿正好玩得,樣樣皆能,反而她就細膽得多,所以經常被阿正整蠱。由於兩人合作逾5年,故默契十足,搞出好多笑料。阿正表示如果節目有得添食,他一定會度啲新idea再拍,務求給觀眾更多新鮮感。

撰文:李佩儀 攝影:梁志明 場地:The AIR(The ONE)

  此輯《臥底》由3月底拍攝至上個月,玩盡好多「抵食夾大件」的旅行團,主要是幾百蚊的廣東省兩至三天團,最豪一次試過去5日緬甸。由於是旅遊節目,他們均稱拍攝時都是抱着玩樂的心態,阿正坦言:「最初係幾刺激,因為真係做臥底。」無奈這系列來到第4輯,他們開始被人認得,有時被導遊寸:「又嚟拍嘢?」或被團友認出不斷say hi和集郵,他們笑言:「試過扮鬼扮馬希望人哋唔認得,反而仲突出,有時惟有叫團友扮唔識我哋,等效果好啲。」問到拍攝過程中有冇試過遇險?妹頭說:「有次去買嘢,對方突然要求全體團友影大合照,我哋冇理立即行開,好彩走得甩。」

妹頭讚阿正乜都叻

  將播出的一集阿正及妹頭會去中山打Wargame和玩小型賽車,最後一集就帶大家到廣州的人氣滑雪場。妹頭稱:「阿正有揸開車,所以玩小型賽車冇難度,佢飄移就攞咗第一,我就龜速行慢到爆;到滑雪場阿正玩6米高嘅空中繩索,順利完成,我就唔夠膽玩。」節目即將結束,妹頭表示唔捨得,問他們會否添食時,妹頭笑言:「要問正哥有冇興趣再做。」阿正則說:「如果再開,我會再諗啲新idea去做,希望畀到觀眾新鮮感。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd