首頁 日報娛樂

新歌重提6年前患病 姜麗文望外界正視情緒病

22/08/2019
■Lesley好希望歌曲能夠引起社會關注情緒病,幫到更多患者走出陰霾。
■Lesley好希望歌曲能夠引起社會關注情緒病,幫到更多患者走出陰霾。 (1/7)

  姜麗文(Lesley) 以獨立歌手發展多年,她坦承開始感到吃力,最近終跟唱片公司合作推出新歌《念》,歌曲是她年前正患上抑鬱症時所作,更救了她一命,對她別具意義,所以今次搵來同樣患過情緒病的藍奕邦填上歌詞,希望喚醒外界不要視情緒病為禁忌,令更多人願意講出心聲,得到更多關心和了解。採訪:杜淑霞

  成為獨立歌手多時,Lesley坦承一腳踢真的不容易,「雖然自由度好大,但係咩都自己去搞,真係好花時間,o依家有人幫我安排,好似做訪問咁,一日可以做好多間傳媒,慳番好多時間,我可以專心去創作。」

喊住錄音

  講到新歌《念》,Lesley感觸良多,只因6年前寫歌時正值患上抑鬱症,當時是好難捱的日子,「最嚴重時更有輕生嘅念頭,呢首歌救咗我一命,令我停止咗再有負面嘅思想。」正因受過苦,她好想出一分力幫同樣被情緒病困擾的患者解困,所以專登請藍奕邦填上積極面對病魔的內容,「我好明白有病時,好難同人哋講,加上社會上嘅壓力,好多人都唔敢承認有病,但係我想話畀大家聽,有情緒病唔係醜事,就好似傷風感冒一樣咁普通,人人都有機會發病。」Lesley自爆錄音時,都有勾起當年病發感受,喊了幾次先錄到,但慶幸現在已重拾健康,「我o依家成個生活改變晒,早睡早起又成日運動,好積極去做每個工作,屋企人同我男朋友都好支持我,自己真係開心咗好多。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd