首頁 日報娛樂

孖草蜢又跳又唱 祖兒獻身任蔡一傑摸

22/08/2019
■祖兒請來草蜢三子任嘉賓,四人大放笑彈。
■祖兒請來草蜢三子任嘉賓,四人大放笑彈。 (1/3)

  容祖兒第15場《PRETTY CRAZY》紅館演唱會請來殿堂跳舞組合草蜢任嘉賓,祖兒同蔡一傑在台上打情罵俏,更講明任他摸!

  容祖兒休息一天後狀態大勇,前晚在台上自爆出場前被反鎖在廁所要人營救,又叫觀眾給她正能量。當介紹嘉賓出場時,祖兒笑言:「今日是昆蟲類,有三隻,有個跳舞跳到開學校,有個跳到頭髮長過我,有個跳到遲些自己開演唱會,有他們就好似開party咁開心!」

  當祖兒恭喜蔡一傑即將開個唱,更熱情自薦:「你個演唱需唔需要請嘉賓?」沒料傑仔尷尬反問:「你係咪好想?我有個空缺,你想唔想玩另類做和音?」祖兒一呆,坦言:「我唔熟喎。」傑仔竟繼續開口夾着脷:「我諗吓……」祖兒聞言即大笑,傑仔即解釋:「我唔係推你,我絕對歡迎,我係唔好意思你作為一個天后級……」蘇志威即幫口:「佢話佢好難得掉低我哋兩個自己玩呀。」

  傑仔又讚祖兒件衫靚,祖兒即叫他摸摸,傑仔反問摸哪裏?祖兒笑言:「我哋有咩所謂,你想摸邊度?」台下一片笑聲,蔡一智大爆祖兒crazy事:「有次行山,其中一段要行落馬路,我諗佢貴為天后怕唔怕?點知佢雀躍到喺馬路上單腳彈彈吓,仲話好開心!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd