首頁 日報娛樂

老婆唔識自己啲歌 葉文輝命太太做觀眾惡補

23/08/2019
■啤梨因太忙最近患上感冒,但已積極養好身體,希望到時以最佳狀態上台。
■啤梨因太忙最近患上感冒,但已積極養好身體,希望到時以最佳狀態上台。 (1/7)

  啤梨葉文輝將於9月舉行《葉文輝Timeline 二十周年演唱會》,雖然他已非首次開騷,但今次要兼顧做埋製作,令他特別緊張。本身是演藝學院舞蹈系畢業的他,更事前張揚一定有勁歌熱舞環節;至於嘉賓就好恨請到陳慧琳。講到太太Michelle到時角色,啤梨就自爆太太唔識自己的歌,要她專心做觀眾惡補。

採訪:杜淑霞 髮型:jean @aten studio

  啤梨入行20年,大小型的個人騷都開過好幾次,不過今次特別緊張,「可能今次自己參與埋製作,所以好多前期工作要做,單係揀歌都好頭痛,原來咁多年自己都出過50首以上嘅歌,所以要排歌單都好花時間。」

恨請女神做嘉賓

  其實,未必人人知啤梨是演藝學院舞蹈系畢業,跳舞功力當然有番咁上下,只是出道靠舒情歌走紅,他一直冇機會發揮,不過今次他講明一定會跳,「老闆一早搵埋排舞師畀我,想唔跳都唔得啦!不過我仲度緊用咩形式同埋唱咩歌去演出,希望到時畀到大家驚喜啦!」至於嘉賓,啤梨坦言恨請女神陳慧琳,「講真佢喺我心目中有個好特別位置,我當年簽唱片公司,最開心係同佢同公司,多過有機會做歌手㗎!」

  談到17年結婚的太太Michelle,到時會否去後台幫手,啤梨就話要她專心做觀眾,「佢喺加拿大長大,佢同啲屋企完全唔認識我啲歌,最多識一首半首,所以到時佢唔使做其他嘢,專心做觀眾就得,要了解多啲我嘅音樂先。不過老婆近排都好sweet,見我忙都有煲湯,仲會切好啲生果畀我食。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd