首頁 日報娛樂

愛犬離世寄情工作 阮小儀上了人生重要一課

23/08/2019
■小儀一有時間就落麵店巡舖,冇偷懶喎。
■小儀一有時間就落麵店巡舖,冇偷懶喎。 (1/7)

  阮小儀的15歲愛犬「阮DeeDee」早前病逝,傷痛過後,小儀收拾心情,寄情工作,日前現身寶琳一個商場內的車仔麵店,幫手打點,招呼人客,兼向客人了解對食店意見。她答得傷感:「Dee Dee離開令我人生又向前行多咗一大步,過往好易埋怨,o依家會多啲感恩,學會欣賞好多微細味道及感覺。」採訪:方騫平

  48歲仍然單身的阮小儀平日以愛犬為伴,Dee Dee的離開如同失掉好伴侶,令她相當心痛,痛過以往失戀:「以前失戀會呼天搶地咁喊,雖然今次唔想父母擔心會忍住喊,但晚晚喺張床,眼淚忍唔住由心入面流出嚟,喊到兩邊面頰變緊,Dee Dee得幾個月大就開始湊仔咁湊,同佢經歷好多嘢。原先媽媽有潔癖反對養狗,但Dee Dee好有人性,第一日返屋企經已識得入籠去廁所,大家跌晒眼鏡,全家都錫到佢燶。佢喺最後階段,正值麵店籌備開幕,我都推晒所有工作陪住佢。」

港島區再開舖

  至於目前係咪寄「情」工作?小儀苦笑說:「小小啦,身邊嗰件緋聞男友金剛又搵到個好好身材嘅阿嫂,自問不能比較,輪迴幾轉身形都冇佢咁勁。Dee Dee離開令我人生又向前行多咗一大步,感恩多啲,少咗埋怨,原來養寵物,雙方都學到嘢。」目前小儀還有6歲細佬佬,會抽更多時間陪伴之餘,亦會帶佢接受訓練改善野蠻行為,「佢同Dee Dee兩個性格,佢好驚青,一綁繩會咬我手。」另外,又開始喺港島區籌備新麵店:「跟志同道合朋友夾份,食物上有朋友做後盾,佢哋係食家,我就負責企出嚟做招生意嗰個!(係咪賺好多?) 搵啖食啫,我係70後屋邨妹,車仔麵由細食到大,想keep住感覺及味道。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd