首頁 日報娛樂

貼實行超市買生果 欣宜許廷鏗真係好閨密

23/08/2019
■欣宜同許生應該當晚有Party,所以揀咗唔少佐酒小食。
■欣宜同許生應該當晚有Party,所以揀咗唔少佐酒小食。 (1/8)

  娛樂圈男女藝人要做好朋友唔容易,因為好易傳緋聞,咁傳緋聞又點呢?無嘢嘅,唔會死,不過,如果男女係偶像派就麻煩啲。鄭欣宜同許廷鏗Friend咗好多年,男嘅會做女嘅演唱會嘉賓,女嘅又會做返男嘅嘉賓,兩人好明顯無嘢,純粹真係老友,點解咁肯定?睇新聞話許生同胡鴻鈞仲Friend啲嘛。日前傍晚6點半,欣宜同許廷鏗去ifc超市買嘢,兩人貼住揀又黐實行,發現記者無彈開仲打埋招呼,行得正企得正。 採訪:張詠森

  好多香港人睇住欣宜大,原來唔經唔覺佢已經32歲,拍過幾次拖,單身咗幾年嘅佢不愁寂寞,因為佢同肥姐好相似,同樣相識滿天下,閨密亦有好多,包括許廷鏗。

  當日傍晚6點半,先見到長金髮戴眼鏡嘅欣宜喺超市內嘅生果區揀生果,睇吓桃,望吓提子,全部幾百蚊一盒嘅日本靚生果,望真啲,原來許生喺附近,因為佢頭又無梳又帶咗口罩,要望多兩眼先認得。閨密邊揀邊傾,許生先發現記者,再告知欣宜,兩人有啲愕然再繼續行超市,欣宜對雪糕最有興趣,係咁開凍櫃,然後兩人再一齊揀啲佐酒小食,認真行超市行足一個鐘,兩人各拎一袋食物離開,走時欣宜同記者揮揮手,有家教。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd