首頁 日報娛樂

「細龍太」外貌大躍進 36E陳偉琪厚唇索樣激似鬼妹

23/08/2019
(1/10)

        現年28歲嘅無線咪神陳偉琪(Vicky),擁有36E「神cup」上圍,近年憑《愛.回家之開心速遞》中「細龍太」一角成功入屋。一向係性感icon嘅佢,近日樣貌驚見大躍進。日前,本報喺銅鑼灣巧遇「E神」買衫shopping,當晚見佢豐厚朱唇搽上桃紅色唇膏相當sexy,且蝦餃下巴和修長面形亦好標致,睇落成個「鬼妹」靚樣,同當年參加港姐時個耷眼圓面樣有好大分別!真係愈紅就愈靚喎!採訪 : 梁志明

        在《愛.回家》飾演「細龍太」雷珍妮嘅陳偉琪,在劇中個性刁蠻任性,不過現實中嘅佢剛相反,性格好動又多才多藝,精通鋼琴、豎琴、網球、籃球,近年又考獲健身教練牌。Vicky一一年奪溫哥華華裔小姐亞軍,13年回流參選港姐,不過面對同屆高質嘅陳凱琳、蔡思貝等多位大熱,「E神」都要落選。勝在一副好body,Vicky好快躋身無線咪神行列,早排又被爆有個已退休富爸爸,父親做大型貿易生意逾廿年,得Vicky一粒女,阿女要乜有乜,戴名錶、出入揸靚車又搬入西貢千呎獨立屋。

  日前晚上7時,「細龍太」化晒濃妝、穿上tube top配白長裙,非常明艷照人現身銅鑼灣買衫。見佢專攻牛仔褸,連試幾件照吓鏡,十分鐘後就揀中一件,碌完卡即買即着,然後行去附近一間高級香水店,見門口貼上「VIP Preview,by invitation only」,原來係扮靚靚去睇新香水。不過呢晚Vicky個樣真係好sharp,瓜子口面配舒淇招牌厚唇,且講嘢時唇翹翹咁,好鬼sexy,有啲角度睇仲勁似外國人,同佢以往圓面平凡樣比較,靚咗十倍。唔知要歸功於化妝技巧,定係女大十八變呢?!

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd