首頁 日報娛樂

逆市搞舞台劇 張紋嘉旨在做開心Show

28/08/2019
■張紋嘉坦言HotCha拆夥初期冇乜收入,都覺得自己好廢。
■張紋嘉坦言HotCha拆夥初期冇乜收入,都覺得自己好廢。 (1/6)

  女子組合HotCha拆夥5年,去年合體舉辦10周年慈善演唱會。張紋嘉(Crystal)單飛後不停尋找出路,最近跟舞台劇演員譚國明、徐羨曾(阿徐)合資搞瘋狂搞笑小型舞台劇《進擊の廢能量》來挑戰自己。34歲Crystal坦言:「o依家社會氣氛係會影響宣傳,甚至大家消費,但愈係咁愈有動力,要做個令人睇得開心嘅show,畀到歡樂大家。」 採訪:方騫平 髮型:Haysses @hair(Crystal)        

化妝:Fafa Katherine Yip @ musSeeker(Crystal) 服裝:Mo & Co. (Crystal) 場地:好時光@觀塘

  近年常參與舞台劇演出的張紋嘉,近日除了為兒童音樂劇《童話。兒童的心底話》做準備外,更為自己有份投資,將於9月12至22日在灣仔藝術中心麥高利小劇場A的舞台劇《進擊の廢能量》宣傳,她說:「3人合資咗6位數字,希望做個令人睇得開心嘅show,畀到歡樂大家。去年我投資過《幸福2+1》,記得上次都收支平衡,仲可以食海鮮蒸鍋慶功。小劇場唔會發達,只係攞到經驗,加上年紀都唔細,以前靠人哋『餵奶』搵我做戲,要突破以前模式,否則行前唔到。」

  阿徐透露,呢個劇主題其實是由三人構思,Crystal補充說:「係由小人物生活做出發點,啲人被標籤為廢,感覺自己廢,當初HotCha散band時,我跌落谷底都有咁樣心態,好希望呢個劇能帶出『天生廢柴必有用』訊息。」屆時,Crystal會分飾廢老、廢青、鬼妹、魔鬼教練等,又會女扮男裝,自問唔係搞笑能手,對她來說都有幾大挑戰:「下次可以搵埋舊HotCha隊友張惠雅及黎美言,因為佢哋好好笑。」譚國明反而讚她有搞笑潛能:「佢每件事好認真去睇,咁就會變得好好笑。」

其他文章
hd