首頁 日報娛樂

TVB放生黃心穎 揭《牛下女高音》翻生 變台慶劇內情

12/09/2019
力撐好友
■張振朗坦言從來冇嬲過黃心穎累街坊。
力撐好友 ■張振朗坦言從來冇嬲過黃心穎累街坊。(1/9)

        「安心」事件發展至今已五個多月,黃心穎有份演出的TVB劇集《牛下女高音》終於重出生天,被安排緊接《街坊財爺》於10月7日起晚上八點半時段推出,而且心穎戲份完全保留。據知,早前TVB在午間重播心穎有份參與的遊戲節目《我愛香港》,之後7月初又於深夜時段重播黃心穎有份做嘉賓的《安樂蝸》試水溫後,月前TVB高層開始閉門研討《牛下》應否大膽放行?有人曾經為心穎求情,覺得香港人現今關注的事太多,「安心」事件亦已漸被淡忘,最重要劇集屬勵志劇,賣一班中佬尋夢的故事,切合目前社會需要正能量,拉鋸一段時間,直至上周五高層例會上,《牛下》終被拍板通過。監製黃偉聲坦言事出突然,強調劇集重點並非落在黃心穎身上,故並未聯絡心穎做宣傳。

黃心穎偷食人夫,形象插水,有份演出的劇集《堅離地愛堅離地》、《丫鬟大聯盟》及《牛下女高音》統統被抽起,因為自己累全家,台慶劇《法證先鋒IV》及節目《懿想不到》就搵人頂替補拍,連她主唱的《愛‧回家之開心速遞》主題曲亦換上新主題曲。輸得一敗塗地的心穎唯有避走美國,據知,心穎上月經已收到風《牛下》有機會重生,曾把握回程機票時限,Book咗九月尾機票,打算秘密飛抵澳門,再返港搵生機,不過,因為情緒依然好波動仲未平復,最終又cancel咗booking,暫時行蹤未明。

黑妹求情

於《牛下》內飾演豪氣酒吧bartender的「黑妹」姐李麗霞對劇集終於可以播出表示相當期待,她開心地說:「好多謝監製聲哥畀機會我演出,仲開正我嗰瓣又演又唱,呢套劇真係好正,我只係用咗10日時間就完成,而且個個資深演員,好似吳岱融、曾偉權等對我好好!(咁年輕嗰班呢?)可能我做嘢緊張,個樣好似好惡咁,佢哋唔係好敢行過嚟呀,不過,同黃心穎合作,佢都對我好好,我覺得大家要畀空間佢,我哋後生都會犯錯啦,年輕時我做錯好多嘢,但當時好多人畀機會我,希望大家畀機會佢!」

振朗期待

至於《牛下》男角張振朗之前已希望大家畀條生路心穎行,對於劇集翻生,他坦言,「呢鋪黃心穎有冇得翻生,就等觀眾決定喇。」他補充希望觀眾可以將目光放喺一眾好戲前輩身上,而唔係心穎:「劇中一班前輩將咁多年嚟嘅經驗同心底嗰份頑皮都釋放咗出嚟,我好期待睇呀,我等咗咁耐有劇上當然開心,希望順其自然,搣甩黑仔王個名啦!」

監製推介

監製黃偉聲坦認《牛下》經過一段時間的商議,直至上周五才落實播出,因此,他和演員們難掩興奮並希望觀眾可以轉移視線:「中佬合唱團先至係套劇嘅主角,而King Sir係靈魂人物,同中佬產生化學作用,無佢係開唔成,因為故事係講小學校長King Sir喺張振朗、吳岱融和龔慈恩協助下,幾經艱辛逐一尋回當年小學嘅合唱團成員,並重組成為牛佬合唱團,所以編寫咗30幾首陳百強、王傑、張國榮等經典金曲,好精采。」問到可會搵埋黃心穎做宣傳?聲哥表示無聯絡,更非常避忌:「佢返港先算啦。」另外,《牛下》是82歲King Sir的TVB告別作,作為劇中靈魂人物,King Sir對劇集播出有期當然開心,問到可會擔心收視受黃心穎影響?他強調唔會理,因為呢啲係公司事。患病的King Sir咳着說:「只要唔太辛苦,我都可以做宣傳嘅,但呢期天氣關係,多少都有啲影響,到時睇身體狀況再決定啦。」

採訪:方騫平

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd