首頁 日報娛樂

首個唱要獨霸舞台 蔡一傑不打算請嘉賓

13/09/2019
■傑仔雖然舞台經驗豐富,但首次舉行個人音樂會難免會緊張。
■傑仔雖然舞台經驗豐富,但首次舉行個人音樂會難免會緊張。 (1/6)

  蔡一傑入行34年,以組合草蜢名義開騷就試得多,終於下月26至28日舉行首個個人音樂會《Onederful Live Show 2019》。傑仔雖然有好多歌想唱,但事先張揚一定會唱師傅梅艷芳的歌向對方致敬,但草蜢的歌就一定冇份。他又透露今次想反璞歸真,服裝會以簡單為主,更因想獨霸舞台,可能不會邀請嘉賓。 撰文:杜淑霞 攝影:李維隆

髮型:Michael @Headquarters 化妝:Will Wong 場地:中環怡紅院火鍋料理



  傑仔話好開心,入行多年終有自己的騷,「音樂就係我生命,我生活唔可以有一刻冇音樂,所以真係好想有機會同大家分享我嘅音樂,雖然場地唔大,但係伊館一樣好有舞台感,同埋有時細場,同觀眾距離近啲,氣氛更加好。」

換衫搵樂手Solo

  由於傑仔想唱的歌太多,令他排歌單相當頭痛,「難得有自己個舞台,梗係唱晒自己鍾意嘅歌,但自己嘅歌有好多,加上又有好多對自己影響好深嘅外國歌曲想唱,所以排歌單真係好困難,但一定會唱一首師傅梅艷芳嘅歌向佢至敬。(草蜢嘅歌呢?)唔唱啦!留翻草蜢嘅騷先啦!」

  對音樂要求極高的傑仔,今次更請來12位各地頂尖樂手合作,所以嘉賓方面亦未必請,「我自己唱歌嘅時間都唔夠,換衫時搵啲咁勁嘅樂手Solo咪得囉!況且我想反璞歸真,服裝以簡單為主,可能一件衫着到尾。」不過他仍積極做運動和戒口keep fit,「我咁多年都保持142磅,所以唔使特別減磅,但都想着衫時睇落瀟灑啲。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd