首頁 日報娛樂

好識講嘢 願為TVB賣命 出爐港姐開到口恨拍劇

18/09/2019
■左起:季軍古佩玲(Kelly)、冠軍黃嘉雯(Carmaney)、23歲亞軍及最上鏡小姐王菲(Fei)坦言到現在仍未相信得獎的事實。
■左起:季軍古佩玲(Kelly)、冠軍黃嘉雯(Carmaney)、23歲亞軍及最上鏡小姐王菲(Fei)坦言到現在仍未相信得獎的事實。(1/11)

  新鮮出爐港姐25歲冠軍黃嘉雯(Carmaney)、23歲亞軍及最上鏡小姐王菲(Fei)和19歲季軍古佩玲(Kelly),雖已奪獎一星期,但她們依然覺得好夢幻,亦好想再多謝朋友、屋企人同男朋友一直支持,仲話唔擔心入行後,同男友感情有變。Carmaney和Fei參選時,已立志當演員,估唔到連 Kelly都計劃好,卸任後即入行,最心急的Fei更話想半年後即入戲組,好想扮多啲唔同角色,三人仲講到明最想同視帝黎耀祥合作拍劇偷師,做好晒入行準備,睇嚟TVB又有新花旦接

班啦!撰文:杜淑霞 攝影:李維隆

場地:香港九龍東皇冠假日酒店

  三位佳麗都直言得獎後因太興奮,謝詞都有不少遺漏,Carmaney話:「我唔記得多謝父母,佢哋一直好支持我,仲成日擔心我承受唔到壓力,想話畀佢哋聽我好堅強,唔使擔心。」問到未得獎前,已有小三及拜金女等負面新聞流出,Carmaney話心情冇受影響,「因為全部都唔係事實嚟,所以冇影響到我比賽心情,同埋我都有心理準備,入行後依然會繼續有呢啲負面新聞。」

向男友大派定心丸

  Carmaney和Kelly早已公開有男友,分別是瑞士籍的Matej和加拿大多倫多讀經濟系的師兄,原來 Fei同樣名花有主,「佢係我中學師兄,拍咗拖三年。」三人都話男友好支持自己參選港姐,亦唔擔心入行後會影響感情。三人更已計劃好卸任後即入行,一直恨做演員的Fei更加極度心急,「我好想快啲拍劇,未卸任就開始拍都得,希望半年後就有機會啦!」至於正在多倫多讀大學的Kelly亦決定留港發展,「缷任後我會繼續留低,學校好好,暫時留住個學位,或者遲啲用遙距方法完成課程都未定。」問到拍劇想跟那位藝人合作,三人都好雀躍話一定有黎耀祥份,仲異口同聲話:「參選時祥哥算係我哋導師,佢教咗我哋好多嘢,佢演技又咁好,相信同佢合作一定會學到更多嘢,可以成日偷師。」不過除了拍劇,三人都話對參與綜藝節目一樣有興趣,不論是節目主持、真人騷、或者搞笑節目一樣冇問題。

知衰唔敢不修邊幅

  這段日子三人日日對住,都覺得跟對方有一定了解,Fei和Kelly更試過同房。要她們互數優缺點,Kelly雖被讚對人體貼又成熟,但講到缺點兩個姐姐就不留情,Fei坦言:「佢講嘢好誇張,好容易令人覺得佢假,不過我相信佢係真心嘅。」Carmaney更加老實不客氣直指:「佢成日遲到呀!」本來Kelly想否認,但工作人員也認同,她只有乖乖地認衰,「都冇乜點解,因為我鍾意瞓覺,連襟咗鬧鐘都唔知再瞓。」而被兩位妹妹公認大方得體、完全是港姐典範、兼且傾心事好對象的Carmaney,就被Kelly爆好烏龍,「佢試過唔記得攞嘢。」而Fei亦話,「我都唔知算唔算缺點,佢笑點真係好低,仲要隔幾日攞番嚟笑。」Carmaney覺得這方面要改善,「我都要諗方法,唔係第時拍嘢會影響其他人進度嘛!」性格開朗的Fei,被兩位好姊妹大讚充滿正能量,亦鍾意搞笑,好容易令身邊人開心,不過被爆太不修邊幅,Kelly笑言:「佢可能太過男仔頭性格,有時唔打扮太求其。」Fei亦知衰,「我都知道當選後唔可以再咁樣,會影響港姐聲譽,已經改善咗好多。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd