首頁 日報娛樂

儲夠上車盤首期 黃建東望40歲前做業主

19/09/2019
■阿東話雖然好快到39+1,但唔心急搵對象,話想等有車有樓先。
■阿東話雖然好快到39+1,但唔心急搵對象,話想等有車有樓先。 (1/7)

  黃建東最近相隔8年再演舞台劇《但願人長久》,仲要拍住影帝及視后級人馬謝君豪和張可頤演出,阿東最初都驚拖累大家,但香港話劇團出身的他,流住舞台的血好快適應,仲話下次想再挑戰歌舞劇。踏入38歲的阿東,近年事業發展不俗,更儲夠上車盤首期,打算40歲前做業主,再諗搵結婚對象。 採訪:杜淑霞 髮型:Jackson Chui @ Hair Creator X IG Academy 服裝:K-Swiss HK、Mini Swiss Watch 場地:The AIR(The ONE)

  其實舞台劇對阿東來講一點不陌生,他參加11年港男選舉前,當了香港話劇團駐團演員3年,「我加入TVB都有做過幾套舞台劇,但近年真係少接觸,所以導演張之珏畀機會我試鏡,成功咗後我都有啲驚,怕對手全部係啲阿哥阿姐。」

  幸好當年阿東在香港話劇團時已跟謝君豪合作過,「君豪哥仲認得我,一見到我仲打招呼,個心都定啲,而可頤原來有睇過我二次創作陳偉霆個廣告,仲有江美儀、李蕙敏、區嘉雯同楊英偉個個都好Nice,最初我都驚拖累大家,但始終自己係讀戲劇,好快搵番個感覺。呢個幾兩個月排練,啲阿哥阿姐仲成日萬歲,搞到我肥咗好多,o依家要積極跑步減肥。」

  講到早前二次創作陳偉霆的廣告,獲外界激讚,令阿東打了支強心針,「之前確實有啲迷失,o依家會有番信心,有好題材都繼續做,講真每次有片出,都會多咗啲Job㗎!」7月踏入38歲的他,又謂想在40歲前做業主,「其實都儲夠首期,但依家巿場比較波動會睇定啲先入巿,目標大約500呎度,最好近將軍澳區方便返工。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd