首頁 日報娛樂

無男友靠自己 徐子珊超市掃貨拎餐死

20/09/2019
■徐子珊好努力咁用雙手攞戰利品上車。
■徐子珊好努力咁用雙手攞戰利品上車。 (1/7)

  40歲的徐子珊自15年離開TVB後,不斷努力讀書增值自己,至於有無拍拖?當事人強調單身,但翻查資料可見徐小姐拍親拖都唔認嘅,所以佢係咪單身?係一個謎。日前她獨自駕車到貝沙灣屋企附近的超巿買嘢,其實香港好細,要買嘢好方便,但佢一次過買咗好多嘢。一個女人仔拎一大袋行李去上車,拎拎吓唔夠力就要兩隻手,點解唔搵人幫手一齊買呀?

採訪:張詠森、李維隆

  徐子珊離開TVB後,簽約王祖藍經理人公司,主力到內地拍戲搵人仔,今年亦演出過邵氏網劇。而她亦很努力讀書增值自己,讀過珠寶設計然後開設自家首飾品牌,去年再報讀心理學碩士課程,她表示畢業後仲想讀埋個博士學位,希望可以學以致用,以後有機會飾演心理醫生或精神病人角色必定更得心應手。

  日前見子珊以一身街坊look揸車去屋企附近超市掃貨,佢先揀水果,香蕉同蘋果係當日心水,再去買急凍食品如水餃和Pizza,跟住仲買咗幾包薯片同盒裝紙巾,唔出街兩日都唔會餓親。原本佢仲想買埋珍珠米,研究咗一陣都係冇買,可能驚自己拎唔晒。買咗一車食品同日用品後就去找數,再將所有嘢放落大環保袋。原本佢好man咁一隻手拎住,但行咗一段路後明顯力有不逮,最終要雙手攞上車,總算完成任務可以返歸。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd