首頁 日報娛樂

守Dry31年 驚揭有拖友 66歲盧宛茵秘交白頭佬

20/09/2019
■離婚31年嘅盧宛茵keep住單身,呢晚與白頭佬密會,拖手斷正。
■離婚31年嘅盧宛茵keep住單身,呢晚與白頭佬密會,拖手斷正。 (1/7)

  入行50年嘅甘草演員盧宛茵(Madam Lo),月前喺麥花臣場館舉行棟篤笑,在台上扮鬼扮馬,精力十足。自言有子女及孫好滿足嘅佢,曾自爆離婚後,一直冇男朋友,原來近日已秘交年齡相若嘅四眼白頭佬。日前晚上,Madam Lo戴口罩拖住另一半行銅鑼灣,原來有愛情滋潤,唔怪得「無線御用媽咪」愈做愈風騷啦! 採訪 : 梁志明

  盧宛茵月前喺旺角麥花臣開騷,當晚佢寶刀未老,載歌載舞,不斷為觀眾送上驚喜。不過開心果一講到家庭即忍唔住喊,坦言過去有一段失敗婚姻,令兩子一女在破碎家庭中成長,令佢深感歉疚,慶幸如今兒孫滿堂。

捉手仔拍拖

  失婚多年嘅Madam Lo,獨力湊大兩子一女,兩個仔結晒婚有小朋友,唯獨33歲愛女未婚跟佢住。日前晚上7時,唔使拍劇樂得清閒嘅Madam Lo現身銅鑼灣,身邊仲驚見有一位年約70歲嘅大肚腩白頭佬拖手同行。平日見佢獨自行街,Madam都大方以真面目示人,呢晚拍拖就戴上口罩,可能怕喺鬧市被人認出啩!見男方捉實Madam隻手甜蜜路經希慎廣場,再行去附近搵餐廳撐枱腳,甜蜜mode唔輸蝕畀班後生仔㗎!

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd