首頁 日報娛樂

買零食睇食物標籤 童愛玲行街偶遇劉曉彤

21/09/2019
■童愛玲難得見到劉曉彤,兩人傾得好開心。
■童愛玲難得見到劉曉彤,兩人傾得好開心。 (1/6)

  93年入行的童愛玲(Eileen),自03年下嫁台灣富商王敦民,翌年誕下囝囝王子毅(Kyle)後便專心相夫教子,退隱多年,去年突然有戲癮參演舞台劇。已甚少出席公開活動的Eileen,日前到銅鑼灣24小時超市訂貨時,撞到前藝人劉曉彤,久別重逢特別好傾,兩人開心傾咗約10分鐘,Eileen又急急去買芝士條及椰子水再駕車返屋企。

採訪:梁志明

  Eileen自從生咗囝囝Kyle後,照顧兒子非常周到,除了管接管送,也不時帶他周遊列國。忙於湊仔的她,一直好少在幕前出現,至去年才接咗套舞台劇過吓戲癮。難得咁多年她仍keep得好fit,皆因她也愛追求健康,心得是吃有益的亞麻籽,據知她還會搵中醫調理身體,難怪當日零化妝,皮膚依然光滑,保養得好好。

久別重逢

  日前見白衫綠裙的Eileen好sharp咁現身銅鑼灣,見佢入咗24小時惠康,一入去就行去收銀畀錢,疑似訂貨,等候期間遇到劉曉彤,後者仲好開心咁不斷同佢揮手。可能好耐無見,兩人表現好興奮,仲傾咗成10分鐘先走人。之後Eileen過咗斜對面的皇室堡買嘢,先去馬莎買零食,主攻芝士條、薯片和餅乾,見佢揀咗好耐,睇晒食物標籤先入貨。買完後再去萬寧,由於promo緊無糖嘅椰子水,佢又買咗4支。掃完貨後,她滿載而歸駕車返屋企。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd