首頁 日報娛樂

統籌5人親友團遊荷比 顏福偉被讚安排一流

23/09/2019
■顏福偉到Kinderdijk睇古老風車覺得好靚,不斷影相留念。
■顏福偉到Kinderdijk睇古老風車覺得好靚,不斷影相留念。 (1/6)

  「白花油王子」顏福偉(Stephen)早前偕親友一行5人到荷蘭和比利時旅遊,他表示是重遊舊地,最興奮到比利時的Bruges遊覽,因為當地好有童話世界Feel,大家都玩到唔捨得走。而荷蘭雖然曾踏足,但已是80年代讀書時的事,所以都好有新鮮感,今次他還首次去了位於鹿特丹,被列為世界文化遺產的「小孩堤防」(Kinderdijk) 睇古老風車,如時光倒流,感覺好有趣。撰文:李佩儀

  Stephen與親友先到德國Dusseldorf歇一歇適應時差,並入住由法院改建的酒店,他大讚:「好有特色之餘亦好方便,因為房入面又有齊雪櫃、廚房同洗衣機。」翌日再開車到荷蘭的Amsterdam,因為三十多年前去過,Stephen表示已冇晒印象,感覺如第一次去。接着再到海牙參觀「小人國」,最開心幫襯到百年海鮮老店Catch by Simonis歎了頓豐富的海鮮餐,他直言食物款式多又美味,最緊要服務又好,侍應非常nice。晚上當然要去夜蒲感受當地蓬勃的夜生活,連環去了兩間Pub飲嘢的他笑說:「音樂好聽,啲人又好傾。」在荷蘭最後一站他到了鹿特丹的Kinderdijk睇風車,該處至今仍保存著19架1740年代的風車,可說是荷蘭最集中的風車群。

  之後Stephen再去比利時的Bruges,他說:「舊年都去過,好似童話世界,所以好值得帶我啲朋友同家人再去。」果然他的親友玩到唔捨得走,因為有好多得意的朱古力擺設,又有馬車和啤酒博物館。而去Brussels一定要參觀Grand Place,他大讚同樣列為世界文化遺產的中心廣場日夜都咁靚。對於兩地,Stephen表示講風土人情,他較喜歡荷蘭,因當地人既友善又開心。他續稱今次跟親友去旅行壓力大,因要安排好車、酒店和餐廳,「但佢哋讚我訂得好,我都開心嘅。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd