首頁 日報娛樂

親子共舞天倫樂 城城樂陪女兒做勞作

23/09/2019
■城城大展舞技,功架十足。
■城城大展舞技,功架十足。 (1/2)

  郭富城昨日出席活動大展舞技,與小朋友一起玩Baby Shark Dance Challenge。城城事後表示有同大女Chantelle一齊跳過,更會陪女兒一齊做勞作。經常將女兒掛在嘴邊的城城,講到眉飛色舞好sweet。



  城城之所以接下這個兒童舞蹈片的工作,他解釋:「因為每當女兒扭計,總要開平板電腦睇Baby Shak,我先發覺呢首係小朋友嘅神曲,裏面嘅動作同公仔造型都好吸引小朋友。」他續稱起初女兒看到他跳Baby Shark Dance的片段時呆了一呆,之後兩父女一齊跳。問到會否將女兒跳舞的片段放上網跟大家分享,他表示等女兒大一點才考慮。跟住他又透露:「講個秘密畀大家知,女兒都有嚟現場睇我工作情況,但大家唔會搵到佢。」

  另外,城城和太太方媛早前在維多利亞公園拍拖散步享受二人世界時,被網民野生捕獲並將相片放上網。城城笑稱不是刻意放閃,他說:「我覺得行公園係好浪漫嘅事,11月開拍電影之前,希望抽多啲時間陪太太同小朋友出去見識世界,其實喺太太懷孕期間,我都經常同佢一齊行公園。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd