首頁 日報娛樂

爆粗事件後謹言慎行 曾樂彤受教訓極速成長

24/09/2019
■曾樂彤之前的爆粗事件搞到要延期出新歌,是一個大教訓。
■曾樂彤之前的爆粗事件搞到要延期出新歌,是一個大教訓。(1/6)

        在去年的樂壇頒獎禮上橫掃新人獎的英皇歌手曾樂彤終於推出新歌《存在》,她坦承粗口諧音風波後吸取了教訓,提醒自己凡事保持冷靜,情緒唔可以有太大起伏:「因為o依家唔單止係KOL身份,仲係藝人,經此一役,日後講嘢要更加小心。」

新歌《存在》跟出道時的《單身日誌》不一樣,自言切合她入行第二年的經歷及矛盾時刻:「我好想觀眾見到不一樣嘅我,其實呢首歌都可以講成年輕人嘅故事,因為成長階段總會有起起伏伏。」

  今年3月,曾樂彤因不滿被網民質疑她在一個音樂頒獎禮中「咪嘴」唱歌,竟用粗口諧音激動地在社交網作出反擊,及後男友游學修更發長文護花,加入罵戰。問到經公司訓示後有冇乖咗?她尷尬說:「公司一直對我好支持,不論入行前後,我會引以為鑑,呢個係一個人生經驗,經一事長一智,咪當成長囉,反省日後要謹言慎行,我相信一個人有經歷,喺形象上都會慢慢有改變。」對於男友愈幫愈忙,將爆粗事件放大。對此,她避談:「身邊人、同事、經理人等對我嘅支持,我係會收到嘅,做好自己最重要。」不再是新人的她不擔心行得辛苦:「暫時所有嘢算係好順暢嘅,好似去年突然有機會拍到優酷同英皇娛樂製作嘅劇《PTU機動部隊》,所以唔覺有壓力,我都會同公司反映想拍多啲劇集,因為唔想手停口停。」

採訪:方騫平 場地:The Stadium@觀塘

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd