首頁 日報娛樂

老婆返港搵好姊妹慶生 洪欣老公同步現身交人

24/09/2019
■張丹峰在名店主攻睇腰包。
■張丹峰在名店主攻睇腰包。(1/6)

        下月就踏入49歲嘅美魔女洪欣,早排同細佢十年嘅國產老公張丹峰婚姻亮紅燈,有指男方為「偷食風波」努力箍煲,終於o氹番有米老婆!日前喺內地拍新片《功夫拉麵》嘅洪欣,返港與大肚好姊妹蔡少芬慶生;另一邊廂,本報就在銅鑼灣見到人夫獨自去shopping,似係返港交人。

洪欣跟張丹峰結婚十年,惜去年8月驚傳人夫疑出軌,搭上後生國產經理人畢瀅,直至今年4月,再有二人喺酒店房夜會3小時嘅照片流出,「欣峰」婚變似層層。其後,大仔鎬濂簽約內地經理人公司,成為范冰冰胞弟范丞丞嘅同門師弟,早前仲以組合「新風暴」身份出道。星二代月前在澳門演出,並上載幸福全家福,力證父母已走出「出軌風波」,一家人情未變。

  日前晚上,愛返港就去名店shopping嘅洪欣老公,戴cap帽、一身深色casual打扮現身銅鑼灣時代廣場連卡佛。見佢主攻睇腰包,試咗兩、三個新款腰bag,然後伸脷插袋,露出一副chok樣猛照鏡。逗留十分鐘左右,都係唔多合心意,張丹峰就無癮走人,再慢慢沿黃泥涌道行返老婆名下豪宅。入大堂後,見保安員同人夫打招呼後,又拎咗幾封信畀對方,兩人吹咗幾句,張丹峰才搭(車立)上樓。

採訪 : 梁志明

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd