首頁 日報娛樂

演唱會前晒肌熱身 天堂鳥召喚MIRROR一齊玩

12/10/2019
■葉灝基(Gordon,左)及歐喬鋒(Tyrese,右)想摸許俊豪(Lincoln)胸肌。
■葉灝基(Gordon,左)及歐喬鋒(Tyrese,右)想摸許俊豪(Lincoln)胸肌。 (1/7)

  ViuTV成功打造組合MIRROR,出道5年的男子跳唱組合天堂鳥(BOP)坦言好想跟他們同台切磋,歐喬鋒(Tyrese)、葉灝基(Gordon)、許俊豪(Lincoln)異口同聲話唔怕樂壇僧多粥少,Gordon說:「我哋啱啱出返嚟,好開心見到MIRROR,反映男子跳唱組合有得做,仲有希望呀,有人同行總好過孤身作戰。」三人更有意邀請MIRROR做其演唱會的嘉賓,Lincoln忽發奇想覺得一齊做真人Show更過癮。採訪:方騫平 場地:九五茶座放宮樂園@Megabox



  雖然受社會氣氛影響,但天堂鳥難得簽返公司「重生」,絕對冇放慢腳步,除咗為下月演唱會備戰外,仲出新歌《重新》,Gordon說:「出道5年經歷過好多高高低低,我哋有好同唔好嘅一面,希望歌詞畀到大家有蛻變重新嘅感覺。」Tyrese補充,「新歌曲風比較搖滾,擺脫小鮮肉形象,漸走成熟路線,令人感覺到我哋成長。」

  MV中Lincoln赤祼上身演出,大晒肌肉,他笑指係公司隨機抽出嚟嘅安排,但Gordon就忍唔住多謝Lincoln的犧牲,又強調其實各自有solo位,互不搶鏡:「我負責入錢落點唱機帶領大家歸隊,Tyrese有幕要喺水底張開眼睛來代表甦醒,好辛苦咁拍咗7次。」Lincoln說:「我胸肌都有41吋,算係展示努力成果,應該唔夠羅仲謙勁,不過,主要都係睇身形同線條,自己唔評論body吸唔吸引,但有朋友同粉絲好嘩然,有評語話流鼻血,亦有畀心心眼,今次算係演唱會前一個熱身。」雖然11月演唱會延期,三人沒有氣餒,更想搵埋戰友MIRROR一齊玩,喺舞台上加埋有14人一定夠晒熱鬧,Lincoln反認為一齊再跳冇乜特別,拍真人Show,一大堆男仔去玩好啲,Gordon即附和:「或者全部男仔入camp囉,實有啲嘢玩到出嚟。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd