首頁 日報娛樂

生意淡泊 無乜心機 黃宇詩收舖孤獨食晚飯

15/10/2019
■淡妝黃宇詩扯開貼身tee遮肚腩仔,愁容滿面食飽走人。
■淡妝黃宇詩扯開貼身tee遮肚腩仔,愁容滿面食飽走人。 (1/8)

  現年43歲嘅黃宇詩(Ursule),早年自創內衣品牌,由網店開到有兩間實體店,相當厲害!日前晚上,見Ursule一身運動look現身銅鑼灣,隨即行上自家店巡舖,逗留個半鐘,都做唔到一單生意。o依家生意難做,店主Ursule收舖後獨自去附近餐廳醫肚,都苦埋口面。好在期間見到朋友個可愛囡囡,佢先識笑番下咋。 採訪 : 梁志明

  已故鬼才黄霑女兒黃宇詩,11年被指做「小三」成功奪人夫,戀上測量公司董事彭慶餘,雖然曾被男友前妻上電視數臭,不過Ursule至今同男友拍拖約9年,早前公開話認定對方係終身伴侶,打風都打唔甩啦!

  近月市道低迷,黃宇詩坦言「生意差咗少少」,早前孖男友外遊叉電後,近日就拍住陳圖安開拍新節目《拾味人生》。日前傍晚6時許,愛親身打理業務嘅Ursule,返銅鑼灣百德新街內衣店打躉。間舖靜到拍烏蠅,不過見佢喺都有幫手執吓啲bra,搵啲嘢做打發時間。

  終於等到8時許,宇詩與女員工收舖落樓分頭走人,咁啱見到女友人和其可愛囡囡,原本木口木面嘅Ursule即時變臉笑晒,上前摸吓小朋友面仔,又風騷吹水,之後一行人再踎低合照,才say bye離開。見Ursule行去附近越菜館食碗河粉,快食廿分鐘仲打包兩盒走。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd