首頁 日報娛樂

《我和父親的FINAL FANTASY XIV》散心之選

18/10/2019
指導老竇
■老竇初初玩唔熟,光生即貼身指導。
指導老竇 ■老竇初初玩唔熟,光生即貼身指導。 (1/6)

  電影由真人真事改編,工作狂老竇岩田曉(吉田鋼太郎飾)係一個好典型嘅爸爸,唔多講嘢,為養家早出晚歸,陪仔女時間唔多,搵錢養家好重要。佢個仔光生(坂口健太郎飾)一直極葡萄人家爸爸可以陪個仔打捧球,齋望無佢份,久而久之,佢唔識點同爸爸溝通,兩個人共處一屋,空氣瀰漫老尬兩個字。因為一個網上RPG遊戲《FINAL FANTASY XIV》,兩人打大佬打出久違了的父子情。(剛上映) 撰文:廖思慧



  日本遊戲博客Maidy同老竇關係一向麻麻,記得童年時曾經同老竇一齊打任天堂,靈機一觸推薦老竇玩網上RPG遊戲《FINAL FANTASY XIV》,然後喺遊戲中刻意扮成神秘玩家,向新手老竇從旁指導。之後Maidy將整個修補父子關係過程寫成Blog《光之父親》,即吸引全日本網民及遊戲玩家追看,點擊率突破1千萬。

  《光之父親》之後被改編成小說、電視劇及電影,《FINAL FANTASY》系列開發商Square Enix更全力支援,特別架設拍攝專用的遊戲伺服器。電影拍攝2個月,原作者Maidy及一班曾真正參與《光之父親》計劃的朋友,共20位玩家利用32部電腦參與其中。拍攝期間玩家共處一室,導演親自指揮,確保大家按指示操縱遊戲角色,做出劇情所需的動作。電影無刻意說教,大部份人都認為「老竇係咁㗎啦,係唔講嘢㗎啦。」由細到大都覺得老竇負責搵錢,家事少理,同仔女關係唔太差已經好好,其實關係可以超越,睇吓你願唔願意行出第一步。

  睇完好暖又感動,老竇角色負責搞笑,人哋老竇從來都唔會令我失望,屬近期散心之選。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd