首頁 日報娛樂

闖非洲尋找動人愛情故事 陳貝兒學懂捧兵做King

18/10/2019
■陳貝兒強調無封閉自己做宅女,仍然期待愛情。
■陳貝兒強調無封閉自己做宅女,仍然期待愛情。 (1/6)

  去年陳貝兒(Janis)主持的《嫁到這世界邊端2》在台慶頒獎禮上奪得「最佳非戲劇節目」,尤以第一集帶出港女秋仔和Oppa暢勇的「韓式生死戀」成功打動觀眾,賺人熱淚。下周一(21晚)播出的《嫁3》成為今年TVB台慶5大綜藝節目之一,今輯中,以港女Serena及非洲黑人Sean的異地戀最感動到Janis,深深感受到真愛係要將男人由兵變King,單身Janis笑說:「我唔收兵,只捧king。」 採訪:方騫平 髮型: Keith Wong @Orient4、Alex Siu @Orient4

化妝:Cobia Cho、Sammy Lam 場地:Spark Bar and Restaurant

  為求節目有新突破,今輯橫跨非洲、亞洲同埋歐洲3個地方探訪港女「人妻」。多個行程中,最辛苦及驚險莫過於非洲之行,尤其踏足尼日利亞,出發前Serena千叮萬囑Janis要小心。當Janis一到步即知驚,治安極差,日日提心吊膽。

  Janis更佩服嫁到老遠的人妻:「Serena喺香港同Sean邂逅,最初只當Sean係『兵』,後來被真愛打動下嫁,無奈老公係黑人,喺香港未能發揮才華,最後Serena嫁雞隨雞,跟老公返非洲鄉村部落發展,成就老公尊嚴及事業,o依家佢老公發展得好好,見佢面上掛住皇帝式笑容,自信心返晒嚟,由『兵』變做King!Serena克服萬難揀咗真愛,佢嘅故事好打動到我。」

  離婚後、單身3年的Janis雖然感染到人妻的幸福,但慨嘆真愛難求:「今次去到Sean鄉下,當外人見我膚色比佢哋白當我外星人咁望,有啲男仔仲走埋嚟要求摸吓我啲頭髮,哈!都好享受成為焦點嘅,但就冇留意佢哋有冇對我心心眼喇!我唔介意做異地新娘,好佛系咁講,一切隨緣啦。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd