首頁 日報娛樂

再做大姑媽 瑜伽兼做Gym 雙料修身 骨感超雲晒索腿 陪三太買金器

22/10/2019
爽手買金
■兩母女企喺度揀咗十分鐘就睇中兩件金器。
爽手買金 ■兩母女企喺度揀咗十分鐘就睇中兩件金器。(1/8)

        近日憑話題劇集《金宵大廈》被網民捧做視帝嘅陳山聰,下月1日將迎娶圈外女友Apple再做老襯。山聰結婚等生仔,其舊愛、賭王三房千金何超雲自甩拖後,未有新戀情。不過,靚女超雲有樣有身材仲勁好家教,唔憂嫁啦!周日下午,深閨嘅超雲出關陪母親(三太陳婉珍)去中環一間星級珠寶店買金器。見超雲瘦咗再靚咗,T裇下身形纖薄。兩母女揀咗頸鏈和吊墜等禮物,似係買畀猷啟即將出世嘅baby。

賭王三房嘅28歲龍鳳胎超蓮和胞弟猷啟都已封盤,唯獨30歲超雲感情好dry。超雲自13年初同陳山聰兩年情玩完後一直單身,近年更變身宅女。千金平日生活不外乎工作、樂做貓狗奴、閒時做孝順女同媽咪行孖咇shopping,及兩母女去街市貼地買餸煮飯仔等,但超雲好enjoy宅女生活,今年2月30歲生日時更興奮話「好開心,快樂中女一個」!而舊愛山聰即將做人夫,早前接受本報訪問時,問到會否感激前度超雲?山聰答得小心話,「我感激由出生至今認識嘅每一個人。」慶幸人生中曾遇超雲呀!

手幼 身形纖薄

  前日,生活極之低調嘅超雲喺社交網誌po做運動短片,片中素顏嘅佢做gym拉背,又做瑜伽等,積極操fit體型。同日下午4時,超雲出關陪母親行中環買金器。當日見淡妝超雲穿上灰tee配熱褲,晒長腿好吸睛。再減磅嘅佢身形好薄,手幼腳幼,腰圍目測未夠24吋,身材媲美近日晒fit爆水着嘅胞妹超蓮。

  兩母女在英皇珠寶主攻睇金飾,見佢哋同店員傾咗兩句,職員就拎出幾件金頸鏈及吊墜畀佢哋揀。二人有商有量,好快就睇中一個金吊墜和一條金鏈。似係送畀即將出世嘅猷啟B女做禮物。逗留約廿分鐘,三太碌卡找數,二人齊齊離開上車。長腿超雲沿途微笑散發仙氣,親切有禮。

採訪 : 李權威、李維隆

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd