首頁 日報娛樂

佢係網絡女神杜小喬男友 譚永浩陪阿媽超市買餸

12/11/2019
■戴住口罩嘅譚永浩好認真陪阿媽買餸。
■戴住口罩嘅譚永浩好認真陪阿媽買餸。 (1/7)

  就咁嘅,呢篇稿嘅主角叫譚永浩,英文名叫Jarryd,10年參加英皇新秀歌唱大賽奪得「金咪大獎」及「最受歡迎網上人氣獎」,2年後入咗無線藝員訓練班,畢業後做過《安樂蝸》等節目主持,去年喺劇集《救妻同學會》中飾演花弗男,今年終於簽TVB做經理人,其實寫佢原因同上面介紹嘅完全無關,係因為佢係網絡女神杜小喬嘅男友,無錯,杜小喬男友陪阿媽買餸,好孝順呀。 採訪:梁志明



  今年7月,娘娘杜小喬喺ig貼上拖手相,公開認愛,男友就係譚永浩。兩人因為喺音樂劇《我們的青春日誌》中飾演情侶而撻著,對於跟娘娘拍拖,Jarryd接受訪問時表示:「其實我真係未試過同行內人拍拖,唔止會點,最重要另一半一定要善良。」對於女友曾經收兵無數,佢話唔介意另一半嘅過去。

  當日晚上七點,戴咗口罩嘅譚永浩陪媽媽喺銅鑼灣時代廣場超市買餸, Jarryd唔止陪仲會畀意見,兼落手落腳揀,見佢揀番茄同菜,又去買扒同醬油,行咗半個鐘,買咗一堆餸,又乖又孝順,難怪杜小喬肯放棄成隊兵而情歸於佢。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd