首頁 日報娛樂

《愉悅的音樂專輯》無雜質自虐愛情片

15/11/2019
甜蜜同居
■兩人曾發展至同居階段,但因為一個原因,關係隨即結束。
甜蜜同居 ■兩人曾發展至同居階段,但因為一個原因,關係隨即結束。 (1/8)

  電影由丁海寅及金高銀主演,兩人唔算頂班靚人,但一笑就好甜好甜,甜到你會好想佢哋真係拍拖。故事發生於1994年至2006年,由一個電台節目而串起的一段愛情故事,兩人相遇分離再遇,兜兜轉轉纏繞13年,納入老土系愛情故事類,無雜質好自虐又非常浪漫,我好鍾意。(Netflix已上架) 撰文︰廖思慧

  那年是1994年,仍是學生的彌穗(金高銀飾)努力經營一間麵包舖,有一日跟剛從教導所出來的絢禹(丁海寅飾)相遇,兩人同樣19歲,因為一個電台節目,因為寂寞,因為想了解對方更多,有些事在慢慢滋長。不過,絢禹跟壞朋友離開麵包舖後就無再回來,三年後兩人再相遇。

屬於秋天的愛情片

  之後絢禹要服兵役,一波三折,兩人再分開,分開原因係未能聯絡。當年網絡未普及,極其量只能靠email,手提電話亦唔係個個有,所以唔好駁戲嘞。之後再遇再分再遇,兩人好愛好愛對方,但點解仍然分開?當然有原因。韓國導演真係好叻拍愛情片,老土但有風味,加上男女主角夠靚,每一格畫面都好似Wallpaper。相愛嘅人兜兜轉轉纏繞13年,好適合愛自虐嘅人收睇。最記得戲中兩幕跑戲,一幕丁海寅跑去見金高銀,一幕相反,唔係個個人都可以遇見一個值得為佢跑嘅人,中咗丁海寅毒,佢真係好正。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd