首頁 日報娛樂

難得浪漫中環戴口罩拍拖 劉青雲同老婆 白酒送火腿

15/11/2019
一眼認到
劉氏夫婦一出街就戴口罩,但兩人實在太易認,口罩形同虛設。
一眼認到 劉氏夫婦一出街就戴口罩,但兩人實在太易認,口罩形同虛設。(1/12)

        好多明星出街都鍾意戴口罩,保護自己免受不必要騷擾,劉青雲夫婦都係口罩擁護者,每次兩公婆陪青雲父母去睇醫生,或者兩公婆去中環買嘢,口罩是必須的。上周二下晝5點,見到一身便服嘅劉氏夫婦去中環ifc行街,從兩人睇水牌又企餐廳門口睇餐牌嘅動作可知,兩公婆肚餓想搵嘢食,然後兩人揀咗間西餐廳,仲坐正可以望街嘅落地玻璃窗位,一碟火腿加多士兩份食,再配橙汁同白酒,Cheers。採訪︰張詠森

        今年9月,由劉青雲主演的電影《我的寵物是大象》未能如期上映,令電影公司及投資商損失嚴重,早前已引發多宗官司。青雲收錢拍戲,上唔到完全唔關佢事。而翻查資料,呢期劉青雲未有戲拍正值休假中,不過佢同老婆郭藹明都係低調之人,無必要都唔會出席公開活動,樂得清靜。

兩公婆ifc搵嘢食

  上周二下晝5點,劉氏夫婦着到好輕便現身ifc,劉太拎住tote bag,劉生拎住個citysuper膠袋,兩公婆喺商場兜咗一陣,見佢哋睇吓水牌,見到餐廳又會望吓人哋啲餐牌,舉動話畀人知佢哋搵緊嘢食,兩人唔揀擇,搵咗一陣就入咗一間西餐廳。

青雲夫婦開心Share

  餐廳有好多位,但兩公婆唔坐餐廳中心位置,選擇坐喺可以望街嘅落地玻璃窗位,即出面有人行過,可以180度欣賞兩人食嘢嘅風采,劉氏夫婦份人都幾有趣,行為低調但又唔怕食嘢俾人望住。等咗一陣,侍應送上一杯橙汁同一杯白酒再加一份雜錦火腿,內有火腿、多士、芝士同青瓜,每樣少少,仲要兩公婆Share,明顯當下午茶,快食20分鐘就離開,兩人一離開ifc,七人車就校啱時間到達,上車後青雲仲同記者講bye bye。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd