首頁 日報娛樂

買專業隔音耳塞 卓韻芝行路掛住睇Catalog

22/11/2019
■卓韻芝邊行邊睇Catalog。
■卓韻芝邊行邊睇Catalog。(1/7)

做人妻無耐嘅卓韻芝係多媒體創作人,周身刀亦張張利,自8月做完舞台劇後未見有咩新Job,家陣香港打緊仗,好多娛樂圈工作都停工或延期。日前下午,着住連身裙,戴住文青眼鏡嘅阿芝由天后經維園行去銅鑼灣,沿途邊行邊望住手上本Catalog,睇路呀!

卓韻芝一直好留意時事,亦好關心一切社會狀況,日前就透過社交平台發千字文求救,希望圈中「前輩們」能夠拯救學生,該post有近3000留言及14000個share。

行路唔帶眼

  當日下午,無乜化妝戴副眼鏡嘅阿芝由天后經維園行去銅鑼灣,沿途佢都不斷望住手上嘅Catalog,係邊行邊睇,甚至過斑馬線都繼續望,需知道世上有好多粗心大意嘅司機,小心為上啦!見佢上咗去東角道一棟大廈,再行去一間聽力及言語中心,內有好多有關聽力嘅產品售賣,如助聽器及專業用嘅耳塞,見阿芝拎咗個耳塞嚟試,試咗一陣就入手,然後再行去希慎嘅蘋果店,但因為當晚有社會運動,所以阿芝去到就已經關咗門,佢問問店員再面帶笑容無奈離開。

採訪:梁志明

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd